Потрошуваш 30 години од својот живот и 50 свои милијарди долари во поддршка на хуманитарни цели.
Директно спасуваш стотици илјади животи во југоисточна Азија со анти-малариски иновации, ја спушташ стапката на смртност кај новороденчиња во неразвиените земји финансирајќи програми за вакцинација, меѓу кои и онаа која имунизира 40 милиони деца од полио. Освен бројните хуманитарни акции, финансираш и бесплатни образовни платформи како што е академијата Кан за луѓето да имаат бесплатен пристап до висококвалитетно образование.
Потоа донираш 50% од своето богатство во хуманитарни цели а 90% од остатокот тестаментално го одредуваш за иста намена.
А потоа седнуваш на интернет за да сфатиш дека на него виреат милиони, научно неписмени имбецили кои го користат својот компјутер - кој во голема мерка го имаат благодарејќи баш на тебе - за да те прогласат за главен злотвор и сатана. Затоа што гледале некое Јутјуб видео од некој ним сличен кој им ја открил твојата суштина.
