Папата веќе ги искара - според поглаварот на католичката црква, луѓето што бираат да имаат миленици наместо деца „се себични и го еродираат самиот материјал на човештвото.“ Туф.
Регионален совет во Нов Зеланд размислува за воведување забрана за чување мачки, кои инаку претставуваат една од најголемите напасти за тамошните домородни животни.
На почеток изгледа дека овој филм би им се допаднал исклучиво на љубители на мачки. Но како што тече, сфаќате дека тој не е (само) за мачките на Истанбул, и не е само за неговите жители кои се грижат за нив. Тој е за сите луѓе кои сè уште веруваат во соживот со други суштества, без оглед дали тие се со крзно и опаш, и дали предат или не.
Од сите мерки што ги имаат на располагање, за да го намалат стресот на работа јапонските фирми (инаку глобален авторитет на тема стрес) ангажираат канцелариски животни, и тоа не по едно туку по неколку.
Деновиве (и не само деновиве) кај нас е актуелна темата со расфрлањето отров по улици со кој се трујат уличните животни. Но во екстремни околности низ историјата луѓето се решавале сами да ги еутаназираат своите миленици. Оваа книга зборува за една таква трагедија, која се случувала непосредно пред Втората светска војна.
Опишана како една од најзначајните современи писателки, Атвуд, набргу откако го прими Златниот венец во Струга, има уште една причина за частење. Вчера, 6.9., од печат излезе нејзина нова книга - стрип чијшто главен лик е мачкоптица.
Eден од интернет феномените кои ќе останат после нас, како материјал за идните дигитални археолози, се мачките на интернет. Од LOL мачките, преку „мачката-мрчатор" до Caturday, еден музеј од Њујорк сега им посветува ретроспективна изложба.
Неодамна пишувавме за мачорот (всушност неколку мачори со иста боја со кои мака мачеле браќата Коен) во филмот „Во главата на Луин Дејвис". Но има уште куп филмови во кои мачките не се главен лик, а сепак играат важна улога, или како симбол, или просто како украс во кадарот.
Денес да ти бил Национален ден на мачката во САД. Давајќи му меѓународен карактер, постов го посветуваме на поезија посветена на овие меки, шепести, ушести, предачки суштества, кои заслужуваат повеќе од тоа да бидат третирани како LOL субјекти.
Навидум ништо посебно - мачор и мачка во нем, црно-бел филм од '40-тите. Но ова сепак не е само првото ЛОЛ видео на сите времиња со овие слатки цицачи.
После вчерашното слетување на роверот „Кјуриосити" на Марс, чија кума е тинејџерката Клара Ма - ќерка на кинески имигранти во САД - медиумите не пропуштија да си поиграат со неговото име.
