Главната тема на претпоследната епизода од „Минатата недела, вечерва“ беше кинескиот претседател Кси Џинпинг и таа беше разработена како што Џон Оливер тоа стандардно го прави: горе-долу хумор, горе-долу факти и задолжително да се вмеша Трамп. Неделава секое споменување на Џон Оливер е избришано од најголемата социјална мрежа во Кина, Веибо.

Кина го започна процесот за отстранување на ограничувањата за бројот на претседателски мандати што едно лице може да ги тера, што е од посебен интерес на актуелниот кинески претседател Кси Џинпинг, кој веќе брои ситно од својот прв мандат.

Како што внимателно се анализира годишниот говор на кинескиот претседател, така детално се анализираат и книгите што стојат во библиотеката зад него.

За едни новиот Пат на свилата е кинескиот план за создавање нова империја, за кинескиот претседател ова е планот кој ќе доведе до ново "златно доба" на глобализацијата.

Откако сајтот Вуџие њуз објави анонимно писмо во кое кинескиот претседател се повикува да поднесе оставка, исчезнати се вкупно 16 луѓе кои работеа или се поврзани со онлајн медиумот.

Летово беше веројатно најужасниот период во историјата на кинеската берза, вредноста на акциите беше во слободен пад, секој ден се губат милијарди долари, а кинеското раководство и не се претегна обидувајќи се да ја спаси берзата. Ова претежно беше протолкувано како знак за неспособност на Кси Џинпинг, освен од оние кои сметаат дека сето ова е дел од неговиот план.

Како тинејџер Кси Џинпинг го испраќаат да работи на фарма; таму тој е толку нежен што другите работници му даваат оценка 6 од можни десет, "што не е ни на ниво на жените," пишува Њујоркер во профилот за кинескиот лидер.

Од работничката униформа на Мао, преку крајно формалните костуми на претходната гарнитура, најновите владетели на Кина воведоа и нов официјален стил на облекување - директор на "афтер ворк" забава.