Со оглед на тоа каде и со кого сè играше, изборот е ултра тежок. Но во случајов тој не се темели само на квалитет, туку на збир на соиграчи од сите клубови за кои играл. Во емисијата „Mojih TOP 11“, каде гостуваат легендарни фудбалери од Балканот, Пандев се реши за следниве 11:

На гости кај нашата најголема фудбалска легенда беше Филе кој благодарение на Горан има влезено во тренинг базата на Лацио. Зошто ги споменавме парите уште во наслов? Затоа што поентата на водителот е на место. За инвестирањето на Пандев во родната Струмица кое после академија, терени и прв тим, на ред дојде и хотел, ниту добива помош од некој во Македонија, нигу го ослободуваат од данок. Скромен како и секогаш вели: „Ми беше ќеиф, тоа го направив од срце, за мојата фамилија и за македонскиот спорт“. Ќе има и музеј и фан шоп Горан Пандев. Првите дресови се веќе поставени.

Коментаторската легенда Атанас Костовски, човекот кој го вршеше преносот од првиот меч на македонската фудбалска репрезентација и кој има известувано од 7 Светски и 6 Европски првенства, поентираше кусо и прецизно.

Македонската легенда беше дел од спектакл во Букурешт каде се одигра натпревар меѓу селекцијата на Романија 1994 и Тимот на светот. Стрелци за гостите беа Пандев и Ривалдо.

Легендите на Интер синоќа го одиграа пријателскиот меч против легенди собрани од Грузија. Се појави снимка од автобусот каде се екипираат. На менито имаше пиво и смеење за кое беше задолжен наш Горан.

Грузија имаше чест да нагости дел од незапирливата банда на Мурињо која пред 14 години ја освои историската тројна круна, како и некои постари ѕвезди од рангот на Луис Фиго. Прв меч на Гоче 11 на 11 откако е во пензија.

По пауза од 12 години, македонската фудбалска легенда повторно ќе го облече дресот со кој ја испиша историјата под водство на Мурињо.

Во вториот дел од гостувањето на Горан Пандев во емисијата „Еден на еден“, легендата отворено зборува дека на гостувањата на македонската репрезентација било поважно во авион да има место за членовите на управниот одбор на ФФМ, отколку за масерите. Бил снимен документарец за историскиот успех на Македонија, ама вели дека никогаш не го пуштиле бидејќи во него ги има Горан, Мрме, Стефан и други.

Што направил Пандев со парите од првите богати договори. Како Дејан Станковиќ ја организирал музиката за прославата кога освоиле ЛШ? Функционирањето на ФФМ во последните 30 години. Ова се дел од темите со нашата најголема фудбалска легенда во вториот дел од емисијата „Еден на еден“ на Канал 5.

Без разлика дали е во Струмица или во Џенова, италијанските медиуми на мира не ја оставаат македонската легенда. Година и пол има како замина во пензија, но постојано го бараат за мислење.

Се работи за сезоната 2003/2004 во Анкона, кога Горан имал 20 години и имал слаба минутажа, па кај тренерот ургирал 10 години постариот од него Милан Рапаиќ кој му бил цимер и кој го отрул со цигари во соба.

Ова се други времиња со Хари во ФФМ, Цапар на клупа, Шаќири, Величе, Седлоски, Васоски во игра. Мечот се одигра на Градски на 18 август 2004, што значи Горан тука има 21 година и е тазе член на Лацио. Левицата му работи во полна пареа и се загрева за златните мигови кои му следат во долгата блескава кариера.

Македонската фудбалска икона одбра прекрасен начин како да го прослави својот 40-ти роденден. Со децата од Струмица на кои им организираше отворен ден во својот клуб со многу дружење. Во меѓувреме пристигнаа честитки од земјата каде блесна и остави голем белег изминативе 20 години. „Од Примаера до врвот на светот“, напишаа од Интер.

Македонската фудбалска легенда организираше фудбалско роденденски ден на теренот на Брера Струмица, а гости му беа најмладите меѓу кои ќе се бараат негови наследници.

Горан Пандев не се повлекува од својата академија, туку напротив осумчлениот борд на директори во Њујорк одлучил токму тој да биде претседател. Најавува многу новитети меѓу кои тренери од Италија, како и фокус на работа со младите.

Горан Пандев и Елиф Елмас, тие се, нема други Македонци кои станале шампиони на Италија. Ако не држи добро меморијата веројатно и единствени со титула во топ 5 лигите во Европа. И двајцата заиграа за Наполи и беа дел од историското Европско за Македонија. Токму Елмас ја скрои акцијата по која Пандев го постигна тој незаборавен гол во Грузија. Секогаш имаше хемија меѓу нив двајца. 16 години помладиот Елиф го вика Горан „Бато“. Затоа честитката гласи така.

2010-та станува се подалечна година, ама на Интер и навивачите им е како да беше вчера. 13 години подоцна, уште го пречекуваат со сите нишани. Е тоа е Горан Пандев.

Интер направи голем исчекор во Лига на шампиони и закажа градско дерби во полуфинале откако ја елиминираше Бенфика со вкупни 5:3. Меѓу специјалните гости на стадион имаше двајца легенди од славната и незаборавна тројна круна, како и еден поранешен играч кој дојде во 2012-та.

14 години беа потребни некој да ја симне нашата легенда од тронот на Лацио по број на голови во конкуренција на странски фудбалери.

„Јас плачев за Македонија, а гледав што сè се случува. Гледаш менаџери работат, нешто што никогаш не можев да прифатам, дека мора некој да игра за да биде продаден. Како може тоа да го гарантираш. Десет пати зборував со претседателот, да играат најдобрите, ама сè беше хаос“.

Го најави Игор Џамбазов со песната „Ла Вида Томбола“ од Ману Чао посветена на Марадона. Ама направи измени во негов стил за да звучи во чест на Гоче.

„Искрено, да се вратам 10 или 15 години наназад, не би инвестирал во првиот тим, туку само во помладите категории. Првата лига е црнило и катастрофа. Немате помош од Федерацијата, никаков маркетинг, цените на играчите се смешни. Федерацијата потпишува договор за ТВ права, а клубовите не добиваат ништо. Ама ќе се бориме и ќе ги чекаме вистинските луѓе“.

Милан - Тотенхем и ПСЖ - Баерн се двојките кои во вторник ги стартуваат осминафиналните битки во ЛШ. УЕФА почнува да билда атмосфера на Твитер и прашува кои се играчите со број 27 и 19 од легендарниот состав на Мурињо. Одговорот е пердув лесен.

Многу спортисти и луѓе од јавниот живот и дадоа поддршка на женската ракометна репрезентација на Македонија, која денеска од 18 часот во салата Борис Трајковски го игра вториот меч од ЕП против Холандија. Мотивирачките видеа ги прави РФМ.