Европската фудбалска јавност не престанува да плука по УЕФА поради одлуката финалето на Лига Европа да се игра во Баку, главниот град на Азербејџан. Што поради тешката достапност, што поради далечината, што поради ред други работи. Арсенал и Челси вратиле по 6.000 карти назад во УЕФА зошто немало интерес меѓу нивните навивачи да патуваат толку далеку сред работна недела. А карти враќале и спонзорите на УЕФА.

Со прекрасен фудбал им пркосеа на богатите клубови, а тоа што го правеа и го прават навивачите на Ајнтрахт е запрепастувачки добро.

Тензијата меѓу Азербејџан и Ерменија која трае неколку децении придонесе еден од најдобрите играчи на Арсенал и сигурно да го пропушти епското финале на Лига Европа против Челси.

Финалната пресметка во Лигата на Европа во Баку може да донесе нов историски момент за македонскиот фудбал, а тоа е наш човек за прв пат да закачи медал на градите од ова натпреварување.

Јирген Клоп како да го запали шкорчето во сноп сено со изјавата дека е неодговорно од УЕФА што едно големо финале на Лига Европа ставила во Баку до каде е многу тешко да се стигне по алтернативен начин. Еден народен писател од Баку му одговори.

Синоќа Арсенал ја згроми Валенсија со 2-4 во Шпанија и со вкупен резултат 7:3 се пласираше во големото финале каде ќе игра против Челси кој на пенали го победи Ајнтрахт Франкфурт после 2:2 по двата меча.

Трката за пласман во елитното натпреварување кое сезонава ни донесе екстра возбудлив фудбал, во Премиер лига е скоро затворена. Прашање е само дали Арсенал ќе успее да влезе како петта англиска екипа, која сепак постојат и теоретски шанси да го симне четвртопласираниот Тотенхем.

По апсолутно неверојатните ноќи во Лига на шампиони, и Лига Европа имаше што да понуди. Прекрасен полуфинален фудбал и дури 8 гола на 2 меча од кој едниот се реши на пенали. На крајот, првпат во историјата од една иста земја ќе има ДУРИ 4 финалисти!

Пред реваншот од Лига Европа меѓу Валенсија и Арсенал, симпатичната репортерка на шпанското издание на Гол, Моника Бенавент долу на лице место на теренот доби една топка во глава. Секако случајно додека се загреваа фудбалерите.

На последните четири средби против Кристал Палас, Вулверхемптон, Лестер и Брајтон, Топџиите од можни 12 освоија 1, читај само еден бод. На едно коло до крај тие не се математички надвор од ЛШ, каде може да се пласираат и преку трофејот во ЛЕ, ама каде бе со вакви ботови? 4 на 8 не можеа да им ја земат на Брајтон. Мислиш Барса им прави опсада пред гол.

Со двата брзи гола на Лаказет и погодокот на Обамејанг во 90-та минута Топџиите направија целосен пресврт и обезбедија фина предност пред реваншот на Местаља. Челси има позитивен резултат од гости, а тоа значи дека можно е да гледаме лондонско дерби во финалето на ЛЕ.

Со голот во 36’ минута од мечот, Александар Лаказет го доведе Арсенал во водство и го откажа Наполи од намерата да проба да се врати во игра. Интересен детал од мечот е што бекот на „топџиите“, Начо Монреал во еден момент излегол од терен и го немало цели 5 минути назад. Отишол до тоалет.

Арсенал синоќа освои многу важни 3 бода во битката за ЛШ и сега е четврт со ист број бодови, но подобра гол разлика од Челси. Победата ја остварија благодарение на несмасниот голман на Ватфорд. Ај бе бегај ја ќе бранам, знаеше да му рече шпицот на голманот за вакви грешки на игралиште во маало.

Со три гола и една асистенција на Жоао Феликс, најбараниот млад играч во Европа во моментов, Бенфика го победи Ајнтрахт и му ја прекина серијата од дури 14 меча без пораз.

„Топџиите“ водат 2-0 на полувреме против Наполи во четвртфиналето на Лига Европа. Првиот гол кој го даде Арон Рамзи беше после фантастична акција од неколку потези.

Шкодран Мустафи, роден во гостиварско, неколку години игра за Германија и за Арсенал. На мечот против Њукасл во Премиер лига имаше кратка епизода „од Мустафи преку Меси до Мустафи“.

На Алекс Ивоби изгледа му хукна противник со непријатен здив. Ејјјј ама ме штипна, бегај подалеку.

„Топџиите“ рутински со 3-0 го совладаа француски Рен и се пласираа во 1/4 финале на ЛЕ. Виљареал глатко против Зенит, а во Прага и Лисабон се играа продолженија после кои испаднаа Динамо Загреб и Севиља.

Додека Пјер-Емерик Обамејанг се спремаше да изведе пенал за 2-0 против Манчестер Јунајтед, крај аут-линијата се загреваа Гендузи, Алекс Ивоби и Суарез. Гледачите од првите редови им бараат да легнат, за да може да го видат пеналот.

Арсенал даде гол во 3’ минута на гостувањето кај Рен и потоа прими три од клубот со кој голманот на „топџиите“ е многу приврзан.

Имаме четири екипи од Премиер лига и телефони кои биле ин во времето кога станале шампиони. Тотенхем најмногу го изеде и го јаде уште.

Напален копиљ се спрема да дебитира пред своите навивачи. Тренерот уште толку го остри на 15 минути пред крај: „Влези и покажи од што си скован“. Идиотот влегува во игра и во последните секунди кога е готово, прави нешто што ќе уништи две кариери.

По синоќешните натпревари во кои ги дознавме осминафиналистите, попладнево во Нион беше извлечена ждрепка за новата рунда во Лига Европа.

БАТЕ Борисов го гледавме на Градски за 100-ка во 2012-та кога го елиминираше Вардар во квалификации за ЛШ. Имаат тим кој не вреди ни пола од неделната плата на Озил, а ги победија. Бруки брукосани. Ако не ги тепаат дома минимум 2:0 нека се убијат.