Васко може да ви остави впечаток на човек кој бааги зборува. Ама па, кога ќе видиш колку е вреден и тоа вреден без државни субвенции и лигавења, и кога ќе видиш колку музика прави и тоа колку добра музика прави, ти иде да го најдеш и да му кажеш: Збори ми Васе колку сакаш!

Васко Атанасоски е исклучително вреден момак. Радник е во душа, што го прави ретка билка во мрзливиот музички пејсаж на Скопје. Свири, прави музики, објавува други бендови и музичари, работи, си игра со сè што ќе стигне. Има нов албум (Пази, куче), 8 ствари, скроз шарено и брливо. 

Кога и Логин и Васко ќе ти го пуштат во ист ден, јасно ти е дека ќе имаш порив да го споделиш понатаму. Зденко Фрањиќ, денеска е Лутајучи Диџеј Здена а зад него се Слушај најгласније, Мајке, Хали Гали Халид, Сатан Панонси.... Има нов албум, со вкупно две песни.

Ова е третпат на сајтов да имаме музички избор на Васко Атанасоски (ака Васе Бумбикс од Бернајс). Еднаш како стандарден диџеј во Трендоленд, еднаш со неговата просветителска бегалска плеј листа и сега, со микстејпот "Дватрипетшенаесет август ’16". Ама па што да правиме кога е добар.

Васко од Бернајс веќе ни беше Диџеј на Трендоленд (слушни тука), но заради актуелноста на ситуацијата и неговата генијална просветителска идеја што треба да слушнеме, еве ни го пак, како единствен човек кој двапати ни пуштал музика.