Bookbox › Набрзинка

„21 век“ во МКЦ на 1 септември

26 август 2023

На 1 септември во Младинскиот културен центар (МКЦ) од 21 часот ќе се случи првиот самостоен концерт на триото „21 век“.
„Веруваме дека е време за 21Век. Скокаме аналогно од една во друга временска зона, сметајќи го времето пред и потоа. Такви се и нивните концерти. Шамански обред во минатото #иднина. Раде Јордановски, Дени Крстев и Васко Атанасоски решија да се пресметаат во најтешката дисциплина – еден на еден. Тие и публиката“, стои во најавата.
Како гости на настанот се најавени новите „деца“ на сцената, еден од најрепрезентативните бендови на новата македонска сцена – „Vagina corporation“. Исто така, гости ќе бидат „Red18“, нов бенд од Скопје кој е добро познат меѓу помладата публика.

Половина сала е веќе распродадена. Билети тука

извор

Доделена наградата Гонкур за 2025-та

5 ноември 2025

Најстарата и најпрестижна книжевна награда во Франција оваа година му е доделена на Лорен Мовињер за семејната хроника „Празната куќа“.
Во најтесниот избор влезе и книгата „Ноќ во срцето“ од Наташа Апана, која претходно ја доби наградата Фемина, за нејзината книга за жртвите на машкото насилство.
Мовињер (58) стана познат со својот дебитански роман „Далеку од нив“, објавен во 1999. Сега наградениот роман е негов десетти - на 750 страници Мовиње раскажува за своите предци од доцниот 19 век до после Втората светска војна, низ очите на жените во семејството. Романот веќе го има добиено признанието на списанието Ле Монд.

извор

Јапонскиот „Ден на културата“ во Скопје и Битола

2 ноември 2025

Амбасадата на Јапонија ќе го прослави „Денот на културата“, кој се одбележува секоја година во Јапонија, прв пат со концерт на јапонска минјо музика и недела на јапонски филмови и анимации во Скопје и Битола.
Околу овој датум се одржуваат многу фестивали за уметност и култура, доделувања на награди во организација на приватни и јавни установи во земјата. Тука ќе биде одбележан со:

04.11. | 19 ч. | Музеј на македонската борба за независност | НИХОН МИНЈО КОНЦЕРТ

13.11. | 19 ч. | во Кинотека проекција на „Под отворено небо“
14.11. | 19 ч. | во Кинотека проекција на „Нико од рибарското пристаниште“
15.11. | 11 ч. | во Кинотека проекција на „Пингвински автопат“
15.11. | 19 ч. | во Кинотека проекција на „ВОТАКОИ: Љубовта е тешка за отаку“
17.11. | 19 ч. | во Кинотека проекција на „Изнајми мачка“
18.11. | 19 ч | во Кинотека проекција на „Бурманската харфа“

19.11. | 19 ч | во КИЦ - Битола проекција на „Под отворено небо“
20.11. | 19 ч | во КИЦ - Битола проекција на „ Бурманската харфа “

Влез слободен.

извор