Маестрален ноемвриски старт за македонските напаѓачи. По Елмас и Миовски, мрежата ја тресе и Александар Трајковски кој со својот прв гол за Хајдук, му носи победа на својот тим против Рудеш од 1:0.

Не можеше да посака поубав гол Елиф Елмас како прв за оваа сезона. Тргна сам со топка од средина на теренот, си поигра со својот чувар и лесно во свој стил го реши и него и голманот за конечни 0:2 за Наполи против Салернитана. Македонскиот репрезентативец влезе во 67-ма минута, а убавиот погодок го постигна во 82-ра минута.

Наполи и Милан одиграа фантастично дерби со 4 гола. Росонерите водеа 0-2 со два погодоци на ветеранот Оливие Жиру во 22’ и 31’ минута. Наполи се врати на 2-2 во вториот дел по евроголовите на Политано во 50’ и Распадори од слободен удар во 63-та минута. Елмас го одигра првиот дел кога беше заменет со стрелецот на голот Распадори.

Хари Мегваер и Андре Онана или во превод, најкритикуваните двајца сезонава на Олд Трафорд, му ја донесоа првата победа на Манчестер Јунајтед сезонава во ЛШ. Првиот даде гол против Копенхаген во 72-ра минута. Вториот одбрани пенал во 97-ма со една рака за делириум на трибините.

Наполитанците го совладаа Унион Берлин со голот на Распадори, а Елмас конечно доби поголема минутажа и го одигра цело второ полувреме. Гостински триумф забележаа и Реал Мадрид, Баерн Минхен, Арсенал и Реал Сосиедад. Само Интер и Манчестер Јунајтед славеа како домаќини, а еден меч заврши без победник.

Македонија води со 2-0 против Ерменија во пријателскиот меч во Струмица. Елиф Елмас, очигледно желен за фудбал, одигра сјаен меч и е заслужен и за вториот гол на македонските фудбалери. Стрелец Милан Ристовски. Четврти негов гол за репрезентацијата.

Македонската фудбалска репрезентација одигра одличен прв дел на пријателскиот меч со Ерменија во Струмица и заслужено води на полувреме со 1:0. Александар Трајковски даде убав гол во самиот финиш од првиот дел во 43’ минута.

На прекрасната „Епет Арена“ во Прага, попладнево пред повеќе од 20.000 гледачи, македонската фудбалска репрезентација не ги искористи бројните шанси и на крајот загуби 2:0 од Украина која се одвои на табелата.

„Приметив дека сега нашите трансфери ги рачунаат пута 14. И на Марадона и мојот итн. Баш излезе сега по новините дека мојот трансфер денеска би бил околу 180 милиони евра, рачунајќи го тој коефициент. Секако мојот трансфер беше меѓу трите најголеми во светот од 92-та до 97-ма“.

Како предигра на евроквалификациите кои стартуваат вечерва, а нашите играат во сабота против Украина, младите растураат со евроголови. Го видовме Елмас против Полска, а сега да го видиме 18 годишниот Јован Мијатовиќ против Италија, на пријателска која ја реши во финишот и која заврши со голеада.

Македонија У-19 го почна квалификацискиот турнир за ЕП на фантастичен начин, со триумф над домаќинот Полска од 0:2. Погледнете ја мајсторијата на 17 годишниот Елмас кој игра за Гостивар. Како стојат работиве, изгледа ќе гледаме во иднина двајца братучеди во репрезентација.

Елиф Елмас влезе во 70-та минута, но не успеа да му помогне на Наполи против моќниот Реал Мадрид кој ја доби големата и жестока битка со 2:3. Ноќ на изненадувања во 2. коло од ЛШ. Галатасарај славеше на Олд Трафорд, Ленс против Арсенал, а Брага направи голем пресврт во Берлин и успеа да го добие Унион со гол во 94-та минута после негатива од 2:0.

Актуелниот шампион на Италија не бележи баш убедлив старт како лани и по 5 кола има само две победи. Со Болоња на гости одигра без голови и откако Руди Гарсија ги извади крилните напаѓачи Кварацхелија и Распадори за да освежи со Елмас и Политано, направи измена Осимен-Симеоне. Нигериецот се налути и му гестикулираше дека треба во финишот да гризат со двајца истурени напаѓачи.

Баерн Минхен и Манчестер Јунајтед одиграа натпревар со дури 7 гола, Баварците славеа заслужено 4:3 и освоија три бода. Првиот погодок на мечот кој беше дело на Лирој Сане е поради вина на Камерунецот Андре Онана кој на стартот на сезоната направи неколку сериозни кикса. За волја на вистината и сам синоќа призна дека изгубиле во најголема мера поради него.

Бразилецот беше двоен стрелец на Алијанц арената на гостувањето на Манчестер Јунајтед кој замина со пораз од 4:3. Еден од двата гола го постигна откако падна на земја сам од топката, а можеше и да се повреди.

Фудбалската класика меѓу Баерн Минхен и Манчестер Јунајтед во првото коло од ЛШ заврши со голеада која им припадна на Германците со 4:3. Арсенал беше најубедлив, а Италијанците се спасуваа на крај. Интер до реми, а Наполи до победа. Елиф Елмас доби шанса во 66-та минута.

Македонските фудбалери на одличен начин со 4 од можни 6 бода го затворија септемврискиот циклус од квалификациите за Евро 2024. Синоќа на Малта Македонија победи 0-2 со головите на Елмас и Јован Манев, и двајцата на асистенции на Енис Барди. Елиф погоди во 5' минута и ги растерети соиграчите во продолжението.

Со рано и брзо водство Македонија вечерва го отвори мечот на гости со Малта, а подоцна ја дуплираше предноста која што ја сочува до крајот од мечот со Малта 0:2. Три злато вредни бода за продолжување на трката за Евро 2024.

Покрај целосно издржаните критики за лошиот терен за што добија извинување од Елмас, Италијанците го искритикуваа и интонирањето на химната, во изведба на Барбара Поповиќ.

Македонската фудбалска репрезентација одново не му се даде на четирикратниот светски првак кој пристигна по одмазада во Скопје после шамарот во Палермо. Македонија - Италија 1:1. Делириум на Градски пред 28.000 гледачи. 

Довчерашниот стратег на Наполи, Лучано Спалети, вечерва ќе дебитира како селектор на Италија против Македонија на Градски. Го прашавме колку пати го гледал мечот од Палермо, а тој ни одговори дека ако сакаме може и да ни го раскаже. За Елмас како и секогаш зборува во суперлативи.

Откако зборуваше за тоа какво е чувството на 17 години да се носиш со Иниеста, Бускетс, Иско, Давид Силва и другите големи ѕвезди на Шпанија, Елиф Елмас открива пикантерии и од денот кога му се приклучил на националниот тим во хотел пред дебито. Најмногу го зафркавале Џани и Нестор, а тој бил многу самоуверен и покрај името на противникот.

Македонските одбојкари во сабота од 18:00 ќе се судрат со најголемиот фаворит за злато, актуелниот европски и олимписки првак Италија, на нивен терен во Бари. Два часа и четириесет минути подоцна вечерта во Скопје фудбал ќе играат Македонија и Италија.