Возачот на Мерцедес, Нико Розберг е победник на првата трка во новата сезона од Формула 1 која се возеше во Австралија со време од 1:48:15. За него ова е 15 триумф во кариерата.
Втор на пиадесталот се искачи неговиот тимски колега Луис Хамилтон кој две години по ред е светски првак, а трет заврши Себастијан Фетел од Ферари.
Четвртата позиција му припадна на Даниел Рикаирдо од Ред Бул кој возеше на домашен терен, петти заврши Фелипе Маса, шести Роман Грожан, а до бодови стигнаа и Нико Хулкенберг, Валтери Ботас, Карлос Сајнц Јуниор и Макс Ферстапен.
Првата трка во новата сезона од Ф1 го одбележа и инцидентот меѓу Алонсо и Гутиерез кои при еден обид за претекнување имаа судир, а шпанскиот возач потоа се преврти со болидот. За среќата и со двајцата се е во ред.
