Мадрид во солзи, Надал им кажа збогум

Рафаел Надал не успеа да се избори за четвртфинале на Мастерсот во Мадрид, а тоа значи дека за последен пат настапува во својата татковина.

Шпанскиот тениски ас со 22 Гренд слем титули, во осминафиналното соочување загуби од Чехот Јиржи Лехечка (5-7, 4-6).

За него тоа значи крај на турнирот, но и збогување со својата публика со оглед на тоа што ја игра последната сезона во кариерата.

Организаторите на Мастерсот потсетија на четирите негови на трофеи во Мадрид, а на крајот му подарија и посебен пехар.

Рафа одржа и емотивен говор со кој ги расплака во публика.

„Моето тело и мојот живот подолго време ми праќаат сигнали. Имав среќа во животот својата страст да ја претворам во работа. Сонот ми е да играм на сите турнири на кои имав успеси. За жал, го пропуштив Монте Карло, но во Рим ја освоив титулата десет пати. Продолжувам да играм, имам неколку лични цели за следните неколку недели и сакам да видам дали можам да ги остварам.

Мадрид ми беше поважен од Грен слемовите. Емоциите од Мадрид ќе останат со мене засекогаш. Имав среќа што успеав да го претворам моето хоби во работа. Се надевам дека успеав да бидам добар пример за новите генерации. Тоа е поважно од титулите и дека предизвикав позитивни емоции. Единствено што можам да кажам е благодарам, -рече Шпанецот кој потврди дека ќе настапи во Рим. 

37 годишната тениска легенда која доби поддршка од 13.000 луѓе теренот го напушти со шпалир. 

1 мај 2024 - 11:37

Штета ако сте пропуштиле

Цивил нè пријавиле дека сме им се заканиле

Статија за човек и пијано

Роден град

Историски лекции