И покрај вирусот, во Јапонија се одржа кикбокс турнир пред 10.000 гледачи

На 22 март во Јапонија на „Саитама Супер Арената“ се одржал кикбокс турнирот K'FESTA 3 кој е дел од светското гран-при К-1 и покрај апелот од власта да се одложи за некои подобри времиња.

За некое чудо организаторите не го одложиле овој настан и покрај глобалната пандемија на коронавирус. На стадионот дошле повеќе од 10.000 гледачи, а настанот онлајн го следеле околу 2,5 милиони луѓе.

Титулата ја освоил Кимура Минору кој победил дури во 3 борби кои му траеле севкупно 262 секунди.

****

Министерот за економија на Јапонија Јасутоши Насимура барал од организаторите да не го одржуваат турнирот, но тие не ги послушале апелите.

Стадионот „Саитама Арена“ е во сопственост на локалната самоуправа и со неа управува Трет сектор.

Трет сектор во Јапонија се непрофитни општествени организации. Приходите и заработката не ја распределуваат меѓу членовите на организацијата туку ги вложуваат во општо добро, целта им е да помогнат на луѓето (како во случајов помагале само они знаат). Вакви компании имаат значаен удел во структурата на јапонското општество.

Затоа организаторите решиле да не го одложат кик-бокс турнирот. Го скратиле капацитетот од 15 на 10.000 што и не е ама баш ништо во глобална пандемија со вирус.

На влез секој гледач добивал маски и апел да не се ракува со луѓето.

Турнирот K'Festa 3 се одржува секоја година. Ова гран-при е составено од 8 борци (плус резерви). И борците носеле заштитни маски како заштита од вирусот. 

Титулата ја освоил 26-годишниот Бразилец Минору Кимура на кого му требале само 3 рунди да нокаутира тројца противници. Неговото вкупно време на победите - 262 секунди стана рекорд во светското гран при К-1.

Во 2019 година Јуки Егава за 342 секунди победил тројца противници, а Семи Шилту во 2009-та за 355 секунди.

Кимура “Тајсон“ сега има 37 борби во професионалната кариера и 27 победи од кои 20 со нокаут. Има 9 порази. Кимура се пробал и во ММА, во септември 2016 година дебитирал на Rizin World Grand-Prix 2016, но изгубил за 7 секунди од Чарлс Бенет. 

24 март 2020 - 09:20

Штета ако сте пропуштиле

Што ќе правевме ние без овие вистиномерци?

Какви се шансите?

Македонскиот Чернобил

Леви-Строс каков што (не) го познаваме