Французинот Ночомовиц трчал маратон без да излезе од станот. Во тоа му се нашол 7-метарскиот балкон.
Франција, како и речиси сите европски земји е во жесток карантин поради панемијата на КОВИД-19. Таму живеалиштетот можеш да го напуштиш само при силна неопходност: да одиш до маркет или во аптека или да прошеташ домашен миленик.
Во последните денови во Франција времето било убаво па на улиците имало многу маратонци, атлетичари, спортисти. Тоа ги вознемирило властите. Градот Балма кој се наоѓа близу Тулуз не е исклучок.
Таму живее и Ночомовиц кој се помирил со изолацијата.
„Јас повеќе од 7 часа трчкарав по балконот долг 7 метри и широк 1 метар (околу 6.000 круга). Можев да трчам надвор од дома, но ако сите мислиме така, тогаш многу луѓе би излегле на улица.
Мојата работа ја прогласија за општествено бескорисна, така што најдобра можност да не падне човек во апатија е да се занимава со спорт.
Ни викаат останете дома, тоа и го сторив. Просто да ви покажам дека немаме оправдание. И ве молам, помислете на медициснките работници кои водат борба со вирусот. Сакав да пуштам не толку луд челенџ, малку да донесам хумор за да не биде драматична ситуацијата со самоизолација“, напишал Ночомовиц на фејсбук.
Ночомовиц се спремал за маратон и затоа не сака да ги прекине тренинзите. По балконот трчкарал 6 часа и 48 минути. Му било мачно а и незгодно комшиите да не се бунат за тропање. Интересно, девојка му му помагала да „истрча“ до крај: му давала пијалаци и дражеи M&Ms.
„Додека трчкарав, мислев на многу нешта. Што ќе се случи кога ќе заврши ова: со спортот, со економијата, со финансиите. Од историја знаеме многу за војни меѓу народите, но ова не е во наша власт“, додава францускиот маратонец.
32-годишниот Ночомовиц е искусен атлетичар. Тој во кариерата истрчал дури 36 маратони а член е и на тимот Brooks Run Happy Team.
Французинот пред да почне глобалната криза се пријавил на маратоните во Барселона и Париз, но и двата се откажани поради ширењето на коронавирусот. Во карантин сега му останало трчањето, затоа што неговата основна работа - ресторанот, затворил.
