Фетел за прва победа на Ферари после две години

Новиот пилот на Ферари, Себастијан Фетел триумфираше на трката за Големата награда на Малезија и ја запиша 40. победа во Ф1 кариерата. Хамилтон лут на тимот поради грешната тактика во финишот.

Пред почетокот на трката во Малезија, температурата на патеката беше 64 степени, а се измери и голема влажност на воздухот. Во такви услови, Хамилтон одлично стартуваше и ги затвори Розберг, Рикардо, Маса, Квјат и Ферстапен.

На средината од трката, во Мерцедес го очекуваа Хамилтон во боксот да ги смени пневматиците, по него влезе и Розберг, по што Фетел го превзема водството.

До крајот тимот на Мерцедес се обиде тактички да го притисне Себастијан Фетел, но Германецот не дозволи никакво изненадување и до крајот го задржа водството. Денешниот триумф во Малезија беше прв за Ферари после цели две години, што значи и одлична најава за сезоната. Пријатно изненадување е и седмото место на 17-годишниот Макс Ферстапен, кој одлично возеше и на отворањето и денес во Малезија.