Драмата нема крај, Ѓоковиќ пред апсење и депортација

Ксенија Павловиќ МекАтир, новинарка кореспондент од Белата Куќа во САД на својот Твитер профил објави дека разговарала телефонски со татко му на Новак, Срѓан Ѓоковиќ и дека тој ѝ кажал дека тенискиот ас е уапсен.

Веста за белградска ТВ Прва ја потврдил и брат му на Новак, Ѓорѓе Ѓоковиќ:

„Неспани ноќи за цело семејство. Поминуваме низ многу тешки моменти. Новак покажа колку е истраен и колку верува во своите идеали и дека е голем човек и се избори не само за себе, туку за сиот свет. Од друга страна имаме систем во Австралија кој донесе одлука во корист на сите факти и не постоеше причина за некоја друга одлука, а сега добиваме информации дека очигледно министерот за внатрешни работи е над судот“, рекол Ѓорѓе Ѓоковиќ за ТВ Прва.

Политикологот Нина Марковиќ која е директорка во фирма во Австралија која се занимава со имиграциони права вели за ТВ Прва дека добила информација од прва рака дека официјалните лица од имиграционото биро чекаат пред канцеларијата на адвокатите на Ѓоковиќ, и дека го убедувале Новак веднаш да тргне со нив за да го уапси полицијата и веднаш да го депортира и дека ако не го стори тоа, ќе добие забрана за влез во Австралија на 3 години.

Инаку оваа информација излезе откако судот во Мелбурн донесе одлука Ѓоковиќ да биде ослободен.

10 јануари 2022 - 09:11

Штета ако сте пропуштиле

Верковиќ и неговото право

Цивил нè пријавиле дека сме им се заканиле

Дипломатска шареница

Ѓаволот за Велигден бил во Штип