Селекторите на ракометните репрезентации кои ќе играат на Европското првенство во Унгарија и Словачка се соочуваат со проблеми пред стартот.
За ова на својот Твитер профил пиша селекторот на Србија, Шпанецот Тони Џерона кој е револтиран од организацијата.
„Хаотична организација на Европското првенство. Луѓе без маски во иста просторија со репрезентациите, нема тестови за сите селекции, се доцни со тестирање.... Резултат - некои играчи веќе се заразаени. Како воопшто да играме“?, прашува Џирона.
Chaotic organisation in @EHFEURO!
— toni gerona (@geronatoni) January 12, 2022
Normal clients without 😷 in the same corridor with the teams, no tests for all teams, delay on the tests (still waiting to be tested when it was planned at 8:45h)… result=some players already infected. How can we play??
Претходно шокирани од организацијата беа и Французите, повеќекратни европски, светски и олимписки шампиони. Нивниот лидер Никола Карабатиќ вели:
„Бевме зачудени, па дури и шокирани што гледаме гости во хотелот без маски. И уште би требало да јадеме заедно со нив“, изјави ракометарот на ПСЖ.
Arrivés en Hongrie lundi, les joueurs de l'équipe de France ont été désagréablement surpris de croiser des clients sans masque à leur hôtel à deux jours du début de l'Euro https://t.co/ZMIQqmP8RW pic.twitter.com/C407BwcSbT
— L'ÉQUIPE (@lequipe) January 11, 2022
На него се надоврза и голманот на Франција Венсан Жерар:
„Некои луѓе беа во костуми за капење. Во таква ситуација тешко да избегнеме позитивни случаи и не знам дали е ова одраз на почит кон играчите кои дадоа се од себе за да учествуваат на првенството“, прашува Жерар.
Селекторот на триколорите, Гиљем Жил изјавил дека целосно неприфатлива е таквата организација. Французите во Сегедин дојдоа без повредените Недим Ремили, Тимоти Н’Гесан, Лука Карабатиќ и Елоим Пранди. Наместо нив во составот се повикани Роман Лагарде, Ајмерик Мине и Карл Конан. Репрезентацијата на Хрватска остана без своите лидери Домагој Дувњак и Лука Циндриќ, а позитивен бил и Марко Мамиќ.
Франција е во група со Србија, Хрватска и Украина. Французите отвораат во четврток од 20:30 часот со Хрватска која исто така има позитивни случаи, а Србија и Украина ќе играат од 18.
