Македонија има силна ракометна традиција со тоа што целата земја максимално го сака овој спорт. Доаѓаат во своето шесто последователенно Европско со посебна приказна: легендарниот играч Кирил Лазаров, кој сè уште е важен дел од тимот на Нант и во репрезентацијата како десен бек, ќе биде тренер-играч.
Три прашања пред ЕП 2022:
Може ли Македонија да направи чекор повеќе?
Иако имаа слаби перформанси на Светското првенство 2021 година, завршувајќи на 23-то место без победа, Македонија сè уште има доверба дека може да има успешно ЕП. Со Лазаров, линискиот играч Стојанче Стоилов и голманското дуо Мартин Томовски и Никола Митревски меѓу другите, може да бидат тврд орев.
Лазаров има јасна визија за својот тим и за стилот на игра. На младите играчи ќе им се даде шанса да се докажат, но Македонија може да смета на искусни старешини во клучните моменти. Оваа комбинација може да се покаже корисна, бидејќи Македонија сака да го остави зад себе разочарувањето од 2020, кога за прв пат на едно ЕП не успеаа да одат во следна рунда.
Што носат Кире Лазаров и Филип Миркуловски во тимот?
Лазаров ја презеде репрезентацијата во февруари 2021 година од Данило Брестовац за време на второто квалификациското за ЕП 2022. Тој ги предводеше своите соиграчи до извонредна победа над Данска, а покрај него како помошник тренер беше искусниот централен бек Филип Миркуловски. И двајцата постигнаа голови за својата земја во квалификациите, а веројатно тоа ќе го сторат повторно на завршниот турнир.
Добро се познати рекордот на Лазаров и љубовта кон ракометот. Додавањето на Миркуловски, кој се врати во тимот откако се повлече во 2018 година, носи нешто дополнително. Двојката има посебна врска со репрезентацијата и тоа заедно со нивната тактика и искуство поставува добра основа за ракометната иднина на Северна Македонија.
Дали младите ќе го покажат својот потенцијал?
Подмладениот тим ќе има тешка задача во Дебрецин да се пласира во главната рунда против фаворитот за медал Данска, самоуверената Словенија и Црна Гора. Сепак, Лазаров сигурно ќе им даде можност на своите млади играчи да покажат од што се направени. Внимавајте особено на централниот бек Марко Мишевски и десното крило Ненад Костески.
Под рефлектор: Кире Лазаров
Еден од долгогодишните водечки играчи во светот и најуспешен ракометар на својата земја, долго време е лидер на теренот. Со 42 години кои ќе ги наполни во мај, Лазаров останува на врвот на својата игра и е способен да постигнува голови со моќни удари.
Но, на ова ЕП тој ќе биде во центарот на вниманието поради неговите тренерски способности. Во квалификациите докажа дека тоа не недостасува, но предизвик ќе му биде да го води својот тим на теренот и на страна.
Самопочит
Македонија се соочува со тешки судири во групата А против Данска, Црна Гора и Словенија. Победата на Данска со 33:29 во квалификациската фаза ќе биде поттик за нивната самодоверба, а добро ги познаваат и другите противници. Најдобриот успех на Македонија на сите времиња беше петто место на ЕП 2012. На ЕП 2020 завршија на 15-то место, откако двапати беа 11-ти, како и еднаш 10-ти во 2014 година. Ќе научат од грешките во квалификациите и нивните подготвителни натпревари и сигурно никогаш нема да им недостига самодоверба.
Факт
Македонија има играно со Словенија и Црна Гора во групна фаза на ЕП. На ЕП 2018, трите земји се сретнаа во групата Ц заедно со Германија. Македонија заврши на првото место во групата со две победи и едно реми. Во меѓувреме, тие завршија на второто место зад Данска во групата А на ЕП 2014 година, а играа и во главната рунда на ЕП 2018.
Што велат бројките?
Ова е шесто учество по ред на ЕП и вкупно седмо за Македонија. На 34 меча имаат 8 победи, 6 нерешени и 20 порази.
