Прволигашкиот меч во Мексико меѓу Керетаро и Атлас се претвори во навивачка војна во која не се знаеше кој кого и каде напаѓа, а на грозните снимки се гледа како голи луѓе лежат беспомошни на земја, а други ги клоцаат.
Инцидентот беше до толку сериозен, што сите други натпревари во тековното коло беа одложени, а меѓу суспендираните нема само навивачи.
Казните се строги и реални, а според нив може да се заклучи дека никој не е поштеден.
Тие изгледаат вака:
- Службени 3 бода за гостинскиот тим Атлас и парична казна од 120.000 евра за домаќинот Керетаро.
- Доживотна забрана за целата управа на Керетаро.
- Една година фудбал на неутрален терен за Керетаро, зад затворени врати.
- Три годишна забрана за влез на стадион за навивачите на Керетаро и една годишна забрана за гостувања.
- Доживотна забрана за влез на стадион за навивачите кои беа уапсени.
- Суспензија за пет лица меѓу кои има полицајци, цивилно обезбедување и луѓе кои биле фокусирани на планирање и подготовки.
- Раскинат договорот со компанијата која помага во справување со безбедноста на стадионот Корегидора.
- Газдата на клубот е обврзан да го продаде Керетаро до крајот на годината, во спротивно федерацијата ќе му ја одземе сопственоста.
Државните власти на Керетаро соопштија дека 23-ца навивачи се хоспитализирани, од кои 10 се во тешка состојба и тројца во критична состојба, пишува Асошиетед прес.
Локалните медиуми тврдеа дека има и 17 жртви кои некој сака да ги сокрие.
Колку е хард кор ривалството меѓу овие навивачки групи, покажува фактот што навивачите кои се во болница, ќе излезат со полициска придружба.
Можно ли е Мексико да остане без организацијата за Мундијалот 2026?
