Offside › Набрзинка

УЕФА го репна Баерн Минхен 116.000 евра казна и затворање дел од стадион

18 декември 2025

Баварскиот клуб ја доби најтешката казна од УЕФА во нивната клупска историја откако од Нион соопштија дека го казнуваат германскиот гигант 116.000 евра и делумно затворање одредени делови од стадионот за првиот следен домашен натпревар од Лига на шампиони. Причина за ова е што на 9. декември на дуелот против Спортинг Лисабон навивачите на Баерн распалија стотици бакљи, огномети, петдарди. Следниот дуел на 21-ви јануари против белгиски Унион Ројал Сен Жилоа ќе биде со намален капацитет поради казната.
УЕФА притоа соопшти дека забранува продажба на карти за гостински навивачи за Ахнтрахт Франкфурт (првиот следен дуел им е со Карабах во Азербејџан), поради тоа што фрлаа предмети кон домашните навивачи на Барселона на „Камп Ноу“. Ајнтрахт е казнет со 38.000 евра и имаат рок од 30 дена да ја покријат целата штета што навивачите од Франкфурт ја направиле на реновираниот „Камп Ноу“.
Спортинг Лисабон е казнет со 40.000 евра и забрана за гостување на навивачите на еден натпревар. Лил е казнет со 10.000 евра за палење пиротехника на мечот со Јанг Бојс, а Макаби Тел Авив е казнет со 20.000 евра поради расистички скандирања и навреди на дуелот со Штутгарт на гости во Лига Европа.

извор

Селекторот на Словенија по победата: „Не паѓаме во еуфорија, Македонија не е баш при фудбалскиот врв“

30 септември 2026

По триумфот на Словенија 2-0 над Македонија на стадионот „Стожице“ во Љубљана, словенечкиот селектор Бостјан Сезар после натпреварот зборувал подолго пред новинарите, а меѓу другото кажал:
„Честитки до момците, но ова е само почеток. Мора да раснеме од натпревар во натпревар. Едноставно не смее да има еуфорија. Победата е добра, ја остваривме против добра екипа, но Македонија не припаѓа баш на самиот врв на светскиот фудбал“.

извор

Шок во Бугарија, убиен сопственикот на Ботев Пловдив

30 септември 2026

Сопственикот на големата транспортна и градежна компанија ПИМК во Бугарија и еден од главните инвеститори во фудбалскиот клуб Ботев Пловдив, Илијан Филипов бил застрелан во Пловдив.
За сега информациите околу бруталното убиство се силно ограничени, пишува Спортал.бг. Криминалнистичката полиција обезбедила широк периметар околу местото на убиството и движењето по околните улици било сопрено за да се соберат докази за истрагата.
Според првичната информација од органите на редот, бизнисменот е застрелан смртоносно во пределот на главата околу 1 часот после полноќ.
Компанијата на Илијан Филипов била една од главните изведувачи на изградбата на новиот модерен стадион „Христо Ботев“.
Се очекува во текот на денот бугарското МВР да излезе со детали од истрагата, верзиите за убиството и евентуални извршители.

извор