- Кошаркарската репрезентација на Македонија започнува нов циклус во кој предводник на селекцијата ќе биде новиот селектор кој доаѓа од Шпанија, Жозеп Мариа Берокал.
- Шпанецот го објави списокот за квалификациите за Европското во кошарка кое се игра 2029-та. На списокот има 11 играчи од домашното првенство и четворица од странство. Од натурализирани кошаркари тука е само Итан Хап, а повикани се уште и Андреј Јакимовски, Зеќири, Какруки и Мекиќ кои играат надвор од Македонија.
- Од домашните клубови најмногу играчи има од МЗТ Скопје Аеродром (четворица), од Пелистер има двајца, а по еден од Работнички, Куманово, Кожув, ТФТ и Маџари.
- Првиот сбори е закажан за 23-ти февруари во понеделник. Ќе се тренира во Скопје во реновираната сала „Градски парк“ а Македонија на 27-ми ќе игра против Луксембург. После се оди во Баку каде за 2-ри март е закажан дуел против Азербејџан.
- Како и голем број евролигашки кошаркари кои не добија дозвола од своите клубови да играат квалификации за своите репрезентации, така и Ненад Димитријевиќ нема зелено светло од Баерн Минхен да игра за Македонија на претстојните натпревари. Нема да дојдат ниту Омари Мур и Ти-Џеј Шортс.
- Ракометниот клуб Вардар 1961 во следната сезона ќе се врати во Лигата на шампионите, дознава Гол.мк од неофицијални извори.
- Според нив, Европската ракометна федерација - ЕХФ го одбрала токму двократниот европски шампион Вардар како една од екипите кои ќе одат ранг погоре во своите натпреварувања. Така „црвено-црните“ со „вајлд-карта“ повторно конечно се враќаат во Лига на шампиони!
- Како двократен европски првак веројатно беше очекувано да биде одобрено барањето на Вардар за унапредување во Лигата на шампионите. Последен пат Вардар играше во елитното натпреварување во сезоната 2021/22, ја мина групната фаза и беше елиминиран од Веспрем во плеј-офот.
- Се очекува ЕХФ да ја потврди одлуката за доделените „вајлд-карти“ во наредните денови.
- Поранешниот претседател на ФФМ, Илчо Ѓорѓиоски, доби 30-дневен притвор од судијата на претходна постапка, а поради обвинението поднесено за него од Обвинителството за гонење на организиран криминал за наводна проневера на околу 2 милиони евра.
- Иста мерка односно притвор од најмалку 30 дена доби и Олгица Младеновска, раководителка за финансиите за време на неговиот мандат, која исто е меѓу осомничените за овој криминал.
- „Првоосомничениот, во својство на претседател на ФФМ, (се мисли на Ѓорѓиоски – н.з.) заедно и по претходен договор со осомничената раководителка на Одделението за финансии и сметководство (се мисли на Младеновска – н.з.), во периодот од 1 јануари 2015 година до 25 јули 2018 година, преку повеќе временски поврзани дејствија, со намера да прибават противправна имотна корист за себе и за други лица, присвоиле парични средства доверени во службата во вкупен износ од 127.451.156 денари“, се вели во вчерашното соопштение на обвинителството.
- Обвинениет има и за Муамед Сејдини, наследникот на Ѓорѓиоски во улогата прв човек на македонскиот фудбал, кој се сомничи за проневера на околу 1 милион евра. Притвор се бара и за шест други лица опфатени со обвинението, како и мерки за претпазливост за уште четворица. Сејдини уште од порано е во притвор поради пријавата за проневера на 700.000 евра од фондот наменет за изградба на стадионот во Охрид.
