- После повеќе од дваесетина години, ракометниот клуб наскоро би можел повторно да заигра натпревари и да тренира во култната сала „Расадник“ која целосно се реновира.
- На средба со новинарите на која ја сумираше целата 2025-та година, првиот човек на РК Вардар 1961 Михајло Михајловски изјави дека црвено-црните наскоро ќе се вратат во салата во Кисела Вода.
- „Реновирањето на салата 'Расадник' е во завршна фаза и треба да биде готова до крајот на јануари. Дотогаш треба да се завршат работите околу греењето и ќе биде достапна за екипата за тренинзи. Во таа сала е планирано Вардар да ги игра натпреварите од домашното првенство, додека за меѓународните останува во 'Јане Сандански'“, рече Михајловски.
- Обновата на салата „Расадник“ која беше во катастрофална состојба почна во ноември 2024-та година и се планираше да трае 20 месеци но завршува многу пред рокот.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
- И покрај тоа што беше веќе потврдено дека некогашниот капитен и легенда на Севиља и Реал Мадрид ќе купи мнозински пакет акции во андалузискиот клуб, луѓето од клубот се откажале и ги допратиле до врата. „Договорот е прекршен и пропадна“, така рекол извор од клубот Севиља за последниот состанок меѓу инвестициската група на Серхио Рамос и луѓето од клубот.
- Рамос и неговите партнери претставиле значајни измени на договорот постигнат на 12-ти мај во кој се обврзале дека ќе платат 450 милиони евра, ќе го смалат признатиот јавен долг од 88 милиони евра за 80% од акциите на клубот“, рекол неименуван извор и додал: „Рамос после дојде со нова идеја: да купи околу 30.000 од акциите за 100 милиони евра, а договорот беше да купи 86.000 акции. После ова групата на Рамос предложила да ја зголеми сумата на 120 милиони но за 42% од акциите.
- „Бевме шокирани зошто сакаше да ја купи Севиља за едвај речиси 100 милиони евра, па после да изврши зголемување на капиталот од нешто повеќе од 100 милиони евра и на акционерите да им плати многу помалку. После ова состанокот беше распуштен“.
