- Новинарот на ЕСПН Аргентина и близок пријател на семејството на Лионел Меси, Естебан Едул изјави дека Лео ја разгледува идејата да се пресели во некоја појака лига на шест месеци пред Светското првенство 2026 во САД, Канада и Мексико, со цел да игра поконкурентен фудбал.
- Осумкратниот добитник на Златна топка и еден од најдобрите играчи на сите времиња по испаѓањето од Светското клупско првенство со Интер Мајами, дал неколку интервјуа.
- Во едно зборувал за далечните патувања во текот на сезоната во САД. „Вистина е што на Светското клупско првенство немавме толку многу гостувања. Одигравме два меча во Мајами и два во Атланта. Патувањата беа кратки. Но вистина е дека во САД гостувањата се предолги и во текот на сезоната многу патуваме. До Ванкувер и Лос Анџелес се лета по седум часа. Тоа е некогаш напорно. Изморен сум од многу натпревари по ред, но секогаш сум среќен да играм и тоа ме прави среќен, ми се допаѓа. Се трудам секогаш да и помогнам на екипата“, рекол Лионел Меси.
- Фудбалската федерација на Македонија ги информира навивачите дека продажбата на влезниците за натпреварот Македонија – Швајцарија, кој ќе се одигра на 26 септември во Скопје ќе започне на 10. септември.
- Цената на влезниците се движи од 500 до 1.800 денари, во зависност од блокот и местото на трибините. ВИП билет чини 3.000 денари.
- Влезниците за натпреварот Словенија – Македонија, кој ќе се одигра на 29. септември на стадионот „Стожице“ во Љубљана, ќе бидат пуштени во продажба на 14. септември.
- Редовниот евролигаш Монако во последните година дена се соочи со страшни административни и финансиски проблеми па клубот практично беше пред распад. Пред неколку дена го исфрлија во трета француска лига, а на нивно место во Еврокуп ќе игра КК Босна во групата Д.
- Некогаш богатиот тим од кнежевството со сопственици милијардери сега изразил желба да се приклучи на силната регионална АБА лига, но од таму им одговориле дека „доцна се јавиле“ односно дека форматот и календарот веќе се востановени и првенството ќе почне како што е договорено, без измени.
- „Монако се јави во АБА лига со желба да игра АБА1 лига. Знаете ништо што се мина тој клуб во последните година дена. Кога се јавија ние веќе имавме направено формат и календар и не е можно да се приклучат. Мојот предлог на Собранието ќе биде да минат низ АБА 2 лигата и евентуално следната година да ги приклучиме во АБА 1 лига. За тој клуб мислам се најдобро, лично ги знам луѓето од нивната управа и жал ми е низ што поминаа“, рекол првиот човек на АБА лигата, Остоја Мијаиловиќ кој е и прв човек на КК Партизан.
