Offside › Набрзинка

Маки го доби РФМ на суд

27 април 2022

Поранешниот генерален секретар на РФМ, Марјан Начевски ја доби правната битка пред Арбитражниот суд на ЕХФ во Виена, кој процени дека нема доволно докази за да биде осуден.
Одлуките на Првостепената дисциплинска комисија на РФМ и на Комисијата за жалби при РФМ се прогласуваат за ништовни.
Начевски во мај 2021 беше исклучен од РФМ по пријава на Мирјета Бајрамоска, член на УО на РФМ и поранешна репрезентативка. „Како причина за поднесената пријава наведени се вербални навреди упатени кон подносителот на пријавата, од страна на пријавениот, изнесени на агресивен начин и со висок тон, вклучително погрдни и недолични навреди кон федерацијата, националните селекции, играчите, и други личности прозвани во отсуство, за време на меѓународен репрезентативен настап, на кој пријавениот присуствувал без соодветна акредитација, пишуваше во соопштението на РФМ.

извор

Кој колку заработи од Мундијалот?

21 јули 2026

Како што објави ФИФА лани во декември, најголемото Светско првенство досега има и најголем награден фонд во историјата. Вкупно 655 милиони долари ќе бидат поделени меѓу 48-те земји, а исплатите се движат од 9 до 50 милиони долари.
Светскиот првак Шпанија заработи 50 милиони, а второпласираната Аргентина 33 милиони долари. Англија како трета ќе добие 29, а Франција 27 милиони долари.
Најмалата награда од 9 милиони долари им следува на селекциите од 33-то до 48-мо место. Секоја федерација ќе добие по дополнителни 1,5 милиони долари за трошоците за подготовка.

извор

Македонија прими 138 гола во ватерполо, а даде 7

21 јули 2026

На Балканското првенство во Солун, македонската ватерполо репрезентација до 16 години одигра пет средби со гол разлика, онаа од насловот која глупо ни е да ја повториме.
Одиме поединечно со резултатите за заборав.
Бугарија - Македонија 21-3, Грција - Македонија 25-0, Србија - Македонија 29-1, Турција - Македонија 22-3 и Унгарија - Македонија 41:0.
Потоп.

извор