- Македонската ракометна репрезентација денес напладне го имаше првиот собир во Скопје, како знак за почеток на подготовките за Евро 2026 кое се игра во Данска, Норвешка и Шведска.
- Македонските ракометари се во група со домаќинот Данска со која го отвораат Европското првенство во Хернинг, со Португалија и Романија. Македонија на континенталниот собир ќе настапи во група со домаќинот Данска (16 јануари), Португалија (18 јануари) и Романија (20 јануари).
- „Може да кажам дека ЕП е дури и поквалитетно од СП, така да имаме што да атакуваме. Нема да се жалиме, групата е таква каква што е, не можевме да добиеме поквалитетна група кога сме во трет шешир, прашање беше само дали ќе ја добиеме Данска, Франција или Германија. Го имаме од првиот шешир светскиот и олимписки шампион, од вториот шешир ја добивме Португалија која на последното првенство играше полуфинале и се бореше за медал. Трет ривал е Романија. Спортски е да се надеваме, да се бориме, да го дадеме најдоброто од нас. Ќе имаме квалитетни подготовки овозможени од РФМ да се спремиме“, изјави меѓу другото селекторот Кире Лазаров на почеток на подготовките.
- Претседателката на Мексико Клаудија Шејнбаум пред неколку дена изјави дека Мексико е спремен да го одржи Светското првенство и дека не постои никаков ризик од одложување и преместување натпревари поради честите криминални пресметки меѓу бандите и полицијата.
- Но Светскиот Куп за скокови во вода закажан за следната недела во Мексико е откажан од безбедносни причини. Натпреварувањето требаше да се одржи од 5-ти до 8-ми март во градот Сапопан во близина на Гвадалахара во државата Хелиско. Но токму во оваа држава од минатата недела изби масивно насилство на бандите по убиството при обид за апсење на Намесио Осерега Сервантес познат како „Ел Менчо“, најпознатиот водач на озлогласениот нарко-картел „Халиско Нова генерација“ (CJNG).
- Бандитите веќе неколку дена палеле автомобили и блокирале улици со запалени автобуси во речиси 12 мексикански држави а властите тврдат дека најмалку 70 лица загинале во престрелките со полицијата.
- Најдобриот стрелец во историјата на Реал Мадрид и во историјата на репрезентативниот фудбал, Кристијано Роналдо купил 25% од акциите на шпанскиот второлигаш Алмерија.
- Португалецот кој игра за Ал Наср купил пакет акции преку неговата фирма CR7 Sports Investments. Роналдо на крајот од 2025-та стана првиот фудбалер-милијардер. Неговото богатство се проценува на 1,4 милијарда долари.
- Шпанскиот клуб АЛмерија е на трето место во втората лига Сегунда дивизион со одлични шанси до крајот на сезоната да обезебди пласман во елитната Ла Лига.
- Огромно задоволство од влегувањето на Роналдо во Алмерија изразил и првиот човек на клубот, Мохамед Ал Кереиџи, сопственик на садуиската СМЦ Група.
