- Местото на многу спортски успеси, што клупски што репрезентативни, некогашниот ракометен храм во кој Кометал Ѓорче Петров стана европски шампион, СРЦ „Кале“ по сè изгледа наскоро ќе биде затворена.
- Причини за тоа според Кошаркарската федерација на Македонија се: лошата состојба, постојаното прокиснување, ризикот по животот и здравјето на актерите на теренот, ужасната состојба на санитарните јазли и соблекувалните, дотраена електрична инсталација поради што често има прекини во напојување итн.
- КФМ препорачува и апелира салата „Кале“ во целост да се урне до темел и на нејзино место да се изгради мултифункционален објект со две сали, хотел и ресторан.
- Во оваа сала сезонава играат дури три кошаркарски клуба: Работнички, КК ТФТ и КК Маџари кои се домаќини во Кале и наскоро ако се затвори од безбедносни причини би морале да бараат друго чаре.
- Прашање на време беше кога најголемиот на сите времиња според многумина, ќе ја соопшти тажната вест дека се пензионира од репрезентативниот фудбал. Лионел Меси пред неколку недели и официјално се прости од репрезентативниот дрес на Аргентина и сега ќе ни биде тешко да се навикнеме на „гаучосите“ без магичната 10-ка.
- Меси преку официјално соопштение изјави дека се повлекува од репрезентацијата. Тој во 2022 ја носеше Аргентина до толку сонуваната титула Светски шампион.
- Во ситуација кога во репрезентативна пензија летово замина и стоперот Никлас Отаменди кој му беше заменик-капитен на Меси, сега капитенската лента ќе ја носи досегашниот трет заменик капитен, стоперот Кристијан „Кути“ Ромеро кој летово од Тотенхем премина во Атлетико Мадрид.
- 27-годишната Русинка родена во Москва а која од 2018-та игра под знамето на Казахстан, Елена Рибакина конечно ја презеде лидерската позиција број 1 во женскиот тенис и стана 30-та првопласирана тенисерка во историјата на ВТА рангирањето.
- По неколкуте порази на Арина Сабаленка на претходните 4 турнири, Белорусинката го изгуби статусот прва на ВТА ранг листата откако Елена Рибакина ја совлада Коко Гауф во полуфинале на УС Опен и закажа дуел токму со Сабаленка во финалето.
- Дури и ако Сабаленка победи во големото финале за пехар на УС Опен кое се игра во недела вечер од 20:00 часот по Средноевропско време, Рибакина ќе остане прва на листата. Елена ја искористи лошата форма на Сабаленка во изминатите летни месеци и конечно ја симна од врвот после цели 193 недели!
- „Разбирам навистина колку е тешко да се дојде до бројот 1 на свет. Тоа беше една од моите цели, но сега не можам ништо повеќе да сторам. Не играв добро на средина од сезоната. Елена ја презеде првата позиција и играше навистина добро. Не можам ништо со тоа јас. Можам само да се фокусирам на себеси и да останам во моментот и да се обидам да одиграм најдобро сега. Да се држи формата и можеби ќе ја повратам од неа позициајта број 1“, рече Сабаленка.
- Овие две тенисерки досега се сретнаа 17 пати на ВТА турот и Сабаленка има дури 10 победи. Сезонава 2026 се сретнаа во финалето на Отвореното првенство на Австралија кога Рибакина славеше а Сабаленка и возврати откако ја победи на Индијан Велс и Мајами.
