- На неколку часа пред големата борба меѓу Британецот Антони Џошуа и јутјуберот Џејк Пол, Џошуа, некогашен олимписки шампион од Олимписките Игри 2012 во Лондон, изјави: „Ако можам да те убијам, ќе те убијам. Тоа е моја работа - ние се бориме. Ние имаме лиценца за убивање. Сигурен сум дека многу луѓе не го разбираат тоа, но ова е мојата работа. Јас уживам во тоа што го правам. Што и да се случи ќе се случи. Тоа е менталитетот што ние борците го имаме“, рекол Џошуа.
- На ова му одговорил Тајсон Фјури, кој како трето лице од страна ќе ја следи борбата меѓу Џошуа и Џејк Пол:
- „Само што ги земав децата од училиште. Само што го изгледав видеото во кое Џошуа вели дека „ако убие некој, ќе убие во боксерски ринг“. Тој има 37 години и на крајот од својата кариера е, а се бори со јутјубер, некој лик од Дизни Канал што чичко Том (Фјури) го победил, а сега зборува за негово убиство и некои работи за да ја продаде борбата. Те молам. Лаеш на погрешно дрво идиоту. Еве ти еден факт, ако некогаш те сретнам, клошару, ќе те успијам со еден удар. Не сум јас јутјубер ниту човек пола од твојата големина. Јас сум човекот што ќе те убие“, рекол Тајсон Фјури кој со ова како да најавува нова атрактивна борба против Џошуа.
- Службено боксерскиот меч Џошуа - Пол е заведен како професионална борба во тешка категорија која ќе трае осум рунди по три минути, а борците ќе носат ракавици од 10 унци без разлика што Џошуа е професионален боксер а Пол тип познат од интернет.
- Легендарниот англиски фудбалски тренер Хари Реднап во кариерата најголеми успеси имаше како менаџер на Вест Хем, Портсмут и Тотенхем, а ги водеше уште и Саутемптон, Квинс Парк Ренџерс, Бирмингем и Борнмут. Стана познат како спасител, односно тренер кој доаѓа во екипа која се дави во борба за опстанок и ја спасува.
- Така во неколку наврати ги вадеше од бездна „чеканите“ кои сега се 18 од 20 екипи во Премиер лига со мизерни 14 бода. Сегашниот тренер Нуњо Еспирито Санто е пред отказ после катастрофалната серија од 10 натпревари без победа.
- Вест Хем заостанува 7 бода зад сигурната безбедна зона која значи опстанок во Премиер лига. „Јас би работел за ништо. Би одел каде било ако некој ме повика, би одел и би работел бесплатно. Навистина би сакал, би уживал. Не е до парите. Уживам да одам и да бидам со играчите. Го сакам тоа. Мартин Онил беше (во Селтик на кратко) и тој знае што прави. Тој има искуство, го разбира фудбалот, не се занимава со ракетна наука. Го вадиш најдоброто од играшите, мораш да го извадиш најдоброто. Во Вест Хем кој и да дојде мора да го извади најдоброто од оваа просечна група играчи, да бидам брутален“, рекол Хари Реднап.
- На 10 дена пред стартот на Светското првенство, РФМ му го продолжи договорот на Кире Лазаров на уште три години, поточно до 2029-та година. Стариот му беше до следното лето.
- „Веруваме дека континуитетот и стабилноста се клучни за напредокот на националниот тим и македонскиот ракомет во целина. Се надеваме на успешна и плодна соработка во наредниот период, во кој со заеднички труд, посветеност и јасна визија ќе продолжиме да остваруваме добри резултати и да го развиваме нашиот спорт“, вели претседателот на РФМ, Александар Стефанов.
- Лазаров е предводник на македонската репрезентација од февруари 2021 година. Под негово водство, Македонија го продолжи континуитетот на големи натпреварувања.
