- Кошаркарите на Црвена Звезда се шампиони во регионалната Јадранска АБА лига откако го совладаа градскиот ривал Партизан и во третиот меч од серијата. Синоќа црвено-белите ги совладаа црно-белите пред 20.000 навивачи на Партизан 76:82. Најефикасни беа Лука Митровиќ и Рокас Геидраитис со по 12 поени, а Бразилецот Јаго дос Сантос уфрли 11 поени
- Ова беше шести триумф на Црвена Звезда по ред над Партизан а грчкиот тренер Јанис Сферопулос направи нешто што никој досега не го сторил: дури пет пати по ред го совлада Жељко Обрадовиќ.
- За МВП на финалето е прогласен плејот Јаго Дос Сантос.
- Голем скандал го потресува Европското првенство во спортска гимнастика кое во четврток почнува во Загреб. Хрватска нема да ја прими руската репрезентација во цел состав зошто на дури 9 членови не им била одобрена виза за влез и престој во земјата.
- Меѓу оние кои ќе го пропуштат Европското првенство е и Ангелина Мељникова, најголемата ѕвезда на светската гимнастика.
- Мељникова (26) во кариерата освои три светски титули, олимписко злато на Олимписките Игри во Токио во 2021-ва. Виза не добила уште една олимпијска шампионка, Русинката Викторија Листунова.
- „Селективно издавање визи претставува елиминација на еден од главните конкуренти“, рекле од Рускиот гимнастичарски сојуз.
- Ним велат најпроблематично е што не добиле баш никакво образложение зошто визите се одбиени на 9 члена на репрезентацијата на Русија.
- Турнирот во Загреб ќе трае до 23 август и ќе има околу 600 натпреварувачи.
- РК Вардар ги информира своите навивачи дека цената на сезонскиот билет за натпреварувачката сезона 2026/27 ќе изнесува 4.500 денари:
- Со сезонскиот билет ќе бидат опфатени сите домашни натпревари на РК Вардар од групната фаза во Лигата на шампионите, како и сите натпревари од домашното првенство и Регионалната лига.
- Продажбата ќе започне за неколку дена. Во моментов се тестира платформата за продажба, а клубот дополнително ќе ја информира јавноста за точниот термин кога навивачите ќе можат да ги купат своите сезонски билети.
- За натпреварите што ќе се играат во СЦ „Јане Сандански“, секој сопственик на сезонски билет ќе има свое место, кое ќе може да го одбере при купувањето. Во оваа сала ќе се играат сите домашни натпревари од Лигата на шампионите, како и дерби средбите против Еурофарм Пелистер, Охрид и Алкалоид во регуларниот дел од сезоната и во разигрувањето за титулата. Во „Јане Сандански“ ќе се играат и натпреварите од Регионалната лига за кои ќе има поголем интерес од публиката.
- Секој сопственик на сезонски билет ќе добие пластифицирана сезонска карта, која ќе важи за сите натпревари вклучени во пакетот.
- По завршувањето на продажбата на сезонските билети, ќе започне продажбата на поединечни билети за секој натпревар.
