Литванците и покрај тоа што беа апсолутни фаворити на дуелот против Украина се намачија во последното коло од втората групна фаза и на крајот победија со 70:63. Украинците без разлика на поразот на крајот се радуваа и останаа на четвртата позиција во групата која води во четвртфиналната фаза.
Тоа се должи на триумфот на Белгија над Летонија со 60:56 која и покрај тоа што немаше шанси за следната фаза, практично ја елиминираше Летонија и ја направи Украина четвртфиналист. Во оваа група останува да се реши уште позицијата на врвот на табелата откако ќе се одигра вечерашниот меч помеѓу Србија и Франција кои веќе се пласирани во друштво на најдобрите 8 селекции.
Група Е
1.Литванија 9
2.Франција 7
3.Србија 7
4.Украина 7
----------------
5.Белгија 6
6.Летонија 6
Во втората група домаќините на ова Европско пренство синоќа си обезбедија пласман во четвртфиналната фаза откако ја совладаа Грција со 73:65 која беше еден од главните фаворите за освојување на шампионатот.
Нашиот јужен сосед ако сака да остане во игра ќе мора утре да слави против Хрватска, а истовремено Италија да ја совлада Шпанија и Финска да загуби од Словенија.
Група Ф
1.Словенија 7
2.Хрватска 7
3.Шпанија 6
4.Италија 6
---------------
5.Грција 5
6.Финска 5
