Тимот на Работнички многу посконцентирано го започна мечот и на стартот поведе со 7:0. Најрасположен на стартот беше Дарко Соколов, а првите 5 минути избраниците за Рајковиќ ги одиграа како во транс и остварија водство од 13:5.
Мартиќ свика тајмаут по кој Аеродромци ги консолидираа своите редови и возвратија со серија од 10:0 за предност од 13:15, а интересните и ефикасни први 10 минути Работнички ги надополлни со уште една серија од 7:0 за водство од 26:21.
Работнички ја одржуваше предноста на мечот, но само до првите 6 минути од втората четвртина, а првото водство кошаркарите го направија во голем стил со фантастична серија од 14:0. На полувреме резултатот беше 41:49 и потоа на паркетот играше само еден тим.
Екипата од Градски парк не успеа ниту за момент да фати приклучок во вториот дел од мечот и постојано беше во негатива со двоцифрен број на поени. По третиот период македонскиот шампион водеше со 72:56.
МЗТ беше доминантен до крајот на мечот и само го одржуваше големото водство кое се движеше до преку 20 поени разлика, а на крајот триумфираше со 96:79.
Најпрецизни кај победничкиот состав беа Синовец и Стојановски со по 19 поени, Гечевски постигна 16, а Маринковиќ оствари дабл-дабл учинок од 12 поени и 10 скокови. Кај Работнички Соколов постигна 19, а Симоновски 16 коша.
Вториот меч е закажан за в четврток од 19:30 часот.
