Со натпреварот против Ангола, вечерва во 23 часот по македонско време, репрезентацијата на Македонија во Венецуела ги започнува квалификациите за учество на Олимписките игри во Лондон.
За прв пат во историјата на македонската кошарка, нашата репрезентација ќе одигра натпревар надвор од Европа, а за прв пат ќе се сретне и со не-европска репрезентација. Кошаркарската репрезентација за прв пат во историјата на македонскиот екипен спорт има шанса да избори пласман на Олимписки игри, а првите две пречки на патот до Лондон се противниците групата Д.
На предолимпискиот квалификациски турнир во Венецуела ќе се натпреваруваат 12 репрезентации поделени во четири групи по три, а двете провопласирани од секоја група ќе продолжи во четвртфиналето. Победниците во четвртфиналето ги продолжуваат натпреварите во полуфиналето.
Победниците од полуфиналето се пласираат на Олимписките игри, додека поразените ќе имаат уште шанса преку натпреварот за трето место да се изборат за третиот билет од Каракас за Олимписките игри.
На Олимписките игри во Лондон пласман веќе имаат обезбедено Велика Британија, САД, Аргенина, Бразил, Шпанија, Франција, Тунис, Кина и Австралија, а за последните три места во Венецуела ќе се борат Русија, Македонија, Литванија, Грција, Доминиканска Република, Порторико, Венецуела, Ангола, Нигерија, Јордан, Кореја и Нов Зеланд.
Кошаркарите на Марјан Лазовски се фаворити на хартија во дуелите со Ангола и Нов Зеланд во групата Д и доколку се остварат прогнозите, во четвртфиналето Македонија би се сретнала со второпласираната од групата Ц, репрезентацијата на Доминиканска Република.
Распоред на натпревари:
02.07.2012, понеделник
Група Ц: (17.30) Русија - Кореја
Група А: (20.00) Грција - Јордан
Група Д: (23.00) Ангола - Македонија
Група Б: (02.30) Нигерија - Венецуела
03.07.2012, вторник
Група Ц: (17.30) Кореја - Доминиканска Република
Група Д: (20.00) Македонија - Нов Зеланд
Група А: (23.00) Јордан - Порторико
Група Б: (02.30) Венецуела - Литванија
04.07.2012, среда
Група Д: (17.30) Нов Зеланд - Ангола
Група Ц: (20.00) Доминиканска Република - Русија
Група Б: (23.00) Литванија - Нигерија
Група А: (02.30) Порторико - Грција
06.07.2012, петок
(17:30) четвртфинале 1 (А1 – Б2)
(20:00) четвртфинале 2 (Б1 – А2)
(23:30) четвртфинале 3 (Ц1 – Д2)
(02:00) четвртфинале 4 (Д1 – Ц2)
07.07.2012, сабота
(23:30) победник ¼-финале 1 – победник ¼-финале 3
(02:00) победник ¼-финале 2 – победник ¼-финале 4
08.07.2012, недела
(23:30) натпревар за 3 место
Составот на Македонија:
Александар Костоски, Владо Илиевски, Дарко Соколов, Лестер Мекејлеб, Војдан Стојановски, Дамјан Стојановски, Марко Симоновски, Тодор Гечевски, Перо Антиќ, Кирил Николовски, Ѓорѓи Чековски, Предраг Самарџиски.
