Коби Брајант се врати со учинок од девет поени и осум скокови на дебито во сезоната за Лејкерс, но Амир Џонсон имаше рекордни за него 32 поени во изненадувачката победа на Торонто Репторс на гостувањето во Лос Анџелес со 94:106.
Брајант ја започна 18-та сезона во НБА со 2/9 реализација, четири асистенции и осум загубени топки за 28 минути игра. Четвртиот најдобар стрелец во историјата на НБА лигата немаше играно од април и помина неколку месеци рехабилитација пред враќањето на 20-от натпревар за Лејкерс оваа сезона.
Лејкерс не водеа ниту еднаш на натпреварот и им дозволија на кошаркарите на Торонто да ја прекинат нивната црна серија од пет порази во низа.
Мајами Хит и без Двејн Вејд успеа да триумфира против Пистонс во Детроит со 95:110, а најефикасен на натпреварот беше Леброн Џејмс со 24 поени.
Резултати:
ЛА Лејкерс - Торонто 94:106
Хјустон - Орландо 98:88
Оклахома - Индијана 118:94
Детроит - Мајами 95:110
