Од сè уште неразјаснети причини, сопственикот на најтрофејниот грчки кошаркарски колектив прво отишол во барот чиј газда е еден од водачите на Гејт13 и таму следен од своето обезбедување направил 'ршум. Но во еден момент луѓето од локалот физички го напаѓаат Јанакопулос пред барот:
Το βίντεο της επίθεσης του Δημητρη Γιαννακοπουλου, παρέα με 8 μπράβους, στο μαγαζί του "σουβλατζη" που η "ανεξάρτητη δημοσιογραφία" της χώρας έχει εξαφανίσει απο το πρωί... Στο 2ο μισό μπορείτε να διακρίνετε που στουμπάνε οι μπράβοι τον "σουβλατζή" έξω απο το μαγαζί. #Paobc pic.twitter.com/eIMNblfPao
— Protectorat 🐀 (@the_protectorat) June 10, 2020
Како одговор на неговиот упад, навивачите на Панатинаикос, околу 50-ина со мотори дошле пред неговиот дом во Атина и сакале да се пресметаат со Јанакополуос кој хистерично вика и ги снима додека фрлаат бакљи и петарди.
Димитриос Јанакопулос го води атинскиот гигант повеќе од две децении и во неговата ера ПАО освои рекорден број на европски титули (6) и трофеи во грчкото првенство (18) и Куп (15). Неговиот татко Павлос го водел клубот до 1987-ма година.
Пред неколку дена Јанакопулос најави дека ќе го продаде клубот за 25 милиони евра и изнесе еден куп навреди на сметка на Евролигата, особено на првиот човек на ова елитно друштво, Жорди Бартомеу, а на 10 јуни на својот Инстаграм објави дека го напушта Панатинаикос по долги години и многу успеси и радости.
Во меѓувреме Панатинаикос ги продолжува подготовките за новата сезона во Евролига и во грчкото првенство.
Нови засилувања на тимот се Џордан Морган, крилен центар кој дојде од Пинар Каршијака кој има словенечки пасош и нема да се води како странец при регистрација на играчи за еврокуповите.
