Евролигашки трофеј за Реал Мадрид после 20 години

Мадриѓаните ја стекнаа клучната предност на почетокот на последната четвртина со серијата на Џеј-Си Керол кој уфрли 11 поени во финишот. Во првото полувреме се водеше израмнета борба, а Грците го затворија првиот период со водство од 19:15.

 

Во вториот квартал и двата тима играа одлична одбрана, а Реал беше поуспешен од слободните фрлања во кои потфрли Олимпијакос и Кралевите заслужено стекнаа предност од седум поени на полувремето, 35:28. 

Реал Мадрид продолжи во ист ритам и во третиот период, кога со тројката на Руди Фернандез стигна до највисоката предност од 11 поени позитива, 40:29. Олимпијакос се обиде и се врати на 5 поени негатива по серијата на Принтезис и Слукас, но тоа беше сè од атинскиот клуб кој како да се потроши во полуфиналето против ЦСКА завчера.

 

Блауграна го реши мечот во своја корист на средината од последниот период, кога предводени од Ночиони и Љуљ се врати на двоцифрена предност и до крајот само ја зголеми позитивата до максимални 16 поени. 

Најефикасни во Реал Мадрид беа Џеј-Си Керол со 16 поени, од кои 11 во последната четвртина и Андрес Ночиони со 12 поени и 7 скокови. Серхио Љуљ имаше 12 поени со 4 асистенции. Кај Олимпијакос, Мет Ложески беше водечки стрелец со 17 поени, од кои 10 уфрли во првиот дел. Принтезис броеше до 11, а по 10 поени уфрлија Костас Слукас и Отело Хантер кој додаде и 7 скокови.

 

Потполно потфрли јунакот на Олимпијакос од полуфиналето, Василис Спанулис кој даде само 3 поени (0/4 во обидите за три поени), имаше 3 асистенции но и 4 загубени топки.

 

Во дуелот за третото место, ЦСКА го совлада Фенербахче 86:80. Следната сезона, домаќин на Фајнал форот ќе биде Берлин, каде годинава се игра финалето од фудбалската ЛШ.