Еј Џеј Дибанса е избран за прв пик на НБА драфтот

НБА драфтот се смета на некој начин за големо отворање на новата сезона на најсилната кошаркарска лига во светот. А самиот драфт е спектакл, особено кога се појавува генерација како оваа. Се предвидува дека некои момци од оваа класа ќе напишат нови страници во НБА историјата.

Вашингтон го имаше првиот избор. Неколку месеци се дебатираше дали да го изберат Еј-Џеј Дибанца или Дарин Питерсон. Кога Адам Силвер излезе на сцената, беше пречекан со свирежи, а потоа објави: Првиот избор е Дибанца.

Крилниот играч од Универзитетот „Бригам Јанг“, кој важи за еден од најголемите таленти на својата генерација, зад себе има одлична сезона во НЦАА лигата, каде се истакна како лидер на својот тим и прв фаворит за избор на врвот на драфтот.

Неговата разноврсност, физички предиспозиции и способност да игра на повеќе позиции беа клучни фактори за одлуката на Визардс, кои со овој потег го добиваат новото лице.

Јадрото на тимот се Треј Јанг и Ентони Дејвис, тука се Алекс Сар, Треј Џонсон и Билал Кулибали, па се чини дека со Питерсон, Визардс ќе бидат одбранбена машина.

„Сè уште имам многу да работам, но ова е доказ дека целата напорна работа се исплати. Секако, добро е чувството да се биде прв избор. Многу ми значи. Изборот број еден ме следеше низ целата средношколска кариера и сакав да бидам во исто друштво со Леброн Џејмс, Ален Ајверсон и Купер Флег“, изјави 19 годишникот.

Ова е трет пат во историјата Визардс да го добијат првиот избор. Претходните двајца беа Џон Вол (2010) и Кваме Браун (2001).

Дибанса својата единствена колеџ сезона ја заврши со 25,5 поени, 6,8 скока и 3,7 асистенции.

Како втор избор, Дарин Петерсон од Канзас заврши во Јута, додека Камерон Бузер беше избран од третата позиција од страна на Мемфис Гризлис. Немаше изненадувања ниту на четвртата позиција, каде што Чикаго го избра Кејлеб Вилсон.

24 јуни 2026 - 13:50

Штета ако сте пропуштиле

Отец Пимен за Задушница

Можело и поинаку

Многу сум возбудена, Драгане

Дали е можна емпатија за Ѓаволот?