Перо Антиќ се врати во форма и тоа на гостински терен против Индијана Пејсерс - еден од најдобрите тимови во источната конференција.
Тој на паркетот помина скоро 27 минути за кои постигна рекордни за него 18 поени (1/2 за 1п, 4/4 за 2п и 3/4 за 3п), а додаде и 6 скока и 1 асистенција.
Со високата победа од 88:107 кај Индијана, екипата на Атланта си ги зацврсти шансите за учество во плејофот. Сега тие имаа скор од 34/42 пред Њујорк со 33-45.
Поефикасен кај Атланта единствено беше Пол Милсеп со 25 поени, а кај Индијана се истакна Пол Џорџ со 18 поени.
Во среда наутро во 1:30 по наше време, Атланта ја пречекува екипата на Детроит.
Резултати:
Индијана - Атланта 88:107
Мајами - Њујорк 102:91
ЛА Клиперс - ЛА Лејкерс 120:97
Сакраменто - Далас 91:93
Хјустон - Денвер 130:125
Сан Антонио - Мемфис 112:92
Голден Стејт - Јута 130:102
Феникс - Оклахома 122:115
Портланд - Њу Орлеанс 100:94
