Капитенот на Баерн Минхен и легенда на германскиот фудбал, Томас Милер доручкува со соиграчот Леон Горецка а на масата вториов приметува дека првиов има скршен, пеплосан Ајфон телефон. Милер заработува неделна плата од околу 200.000 евра и со разни бонуси и реклами годишно е побогат за околу 15 милиони евра! И покрај тоа уште си носи скршен телефон.

Лига на шампиони заврши за годинава, останува уште последното коло од Лига Европа кое се игра вечерва, па потоа ждрепка в понеделник за нокаут фаза. А кога сме кај ЛЕ, одиме со најсмешниот, најчудниот или можеби најадекватно тоа од насловот. Филип Шобесбергер со овој погодок и донесе победа на Рапид Виена на гостувањето против Викторија Плзен пред осум години.

Со убедлива игра среде „Олд Трафорд“ Баерн Минхен го победи Манчестер Јунајтед 0-1 со голот на Кингсли Коман и потврди дека е многу посилен ривал. Баварците уште одамна обезбедија пласман во осминафинале, а после мечот со Манчестер, капитенот Томас Милер се шегачеше со еден редар на теренот кој со капа и брада наликуваше на неговиот соиграч од Баерн Мароканецот Назрауи.

Легендарниот состав на Црвена Ѕвезда 1991, која ги освои Европа и светот е неизбежна тема кога овој тим игра натпревари во ЛШ.

Кралскиот клуб на убедлив начин како прв во групата се пласираше во осминафинале на Лига на шампиони. Играат добро „кралевите“ и во домашното првенство каде се втори и се бркаат со сензационалниот лидер Жирона. Во меѓувреме тимот на Анчелоти ќе треба да најде сигурен изведувач на пенали зошто сезонава промашија три пенали од три колку што добија. Промашуваа Модриќ, Хоселу и Родриго. Можеби е време Феде Валверде да го мести фудбалот.

Со оглед на тоа што и математички не можеа никако да се поместат од своите позиции на табела, Ѕвезда и Сити одиграа меч без стеги и со 5 гола. Можеа да бидат и повеќе, но вториот голман на гостите беше неколку пати немилосрден, особено во 51-ва минута.

Милан кога сите го отпишаа и сметаа дека нема што да бара на жестокото гостување во Њукасл каде има пеколна атмосфера, покажа дека знае да се издигне кога е најтешко и да победи после пресврт. Но јунаци на триумфот покрај стрелците, беа уште и голманот Мајк Мењан кој бранеше фантастично но и стоперот Фикајо Томори кој во 20-та минута спаси чист гол.

Манчестер Сити на убедлив начин очекувано ја освои групата во Лига на шампиони, а раниот пласман во осминафинале му овозможи на Пеп Гвардиола да испроба некои нови клинци. Не само што му вратија маестрално туку и најавија дека првотимците ќе треба да се потат за да го сочуваат местото во тимот.

ПСЖ се изнамачи против првопласираната Борусија Дортмунд и куртули да не испадне во групи со 1:1. Погледнете на каков начин спаси чист гол Никлас Зуле, кој играше пет сезони во Баерн, кога Мбапе сигурно веќе ја гледаше топката во гол.

Втората вечер од последното коло во Лига на шампиони донесе многу голови и драматични финиши. ПСЖ со ремито 1-1 кај Дортмунд успеа да го сочува второто место, а Милан со победа после пресврт на тешкото гостување во Њукасл успеа да обезбеди макар Лига Европа на пролет. Барселона поразена во Антверпен.

Уште еден член на славната и златна генерација италијански репрезентативци кој подоцна стана и европски првак во 2021-ва, легендарниот Џорџо Кјелини реши да ги закачи копачките на клин.

Не е секој дораснат да го носи дресот на Манчестер Јунајтед и не значи дека секој Бразилец е феномен и го бива за фудбал. Ентони е втора сезона на Олд Трафорд, за кој на Ајакс му платија 100 милиони евра. Како му оди? 0 голови и 1 асистенција на последните 25 меча.

Не беше баш толку мирно и извесно како што изгледаше во првата ноќ од последното коло во ЛШ. Пет екипи се бореа за две места во нокаут фаза и дури 9 беа во игра за четирите места со кои се продолжува во Лига Европа. Ленс обезбеди пласман во 96-та минута, Бенфика во 92-ра, а Унион Берлин остана без пласман во 89-та.

Вест на вечерта од последното коло во Лига на шампиони во вторникот беше испаѓањето на Манчестер Јунајтед од Европа. Со поразот од Баерн Минхен дома 0-1, фудбалерите на Јунајтед останаа и без Лига Европа и завршија како последни во група А. Од друга страна Копенхаген оствари голем пласман во осминафинале на Лига на шампиони, второ за нив во историјата по она во 2010/2011. Во главниот град на Данска беше совладан Галатасарај со 1-0 со гол на Лерагер в 56’ минута.

Серхио Рамос постигна гол со паненка од пенал и стана најдобар стрелец во ЛШ меѓу дефанзивците со 17 гола, пред Пике и Карлос кои имаат по 16. Но сето тоа оди во втор план, бидејќи Севиља загуби од Ленс со гол во 96-та минута и остана без трето место кое води во Лига Европа. Само две минути претходно, Шпанецот имаше голема шанса да го однесе неговиот тим во натпреварувањето за кое се специјалисти.

Наполи ја доби Брага со 2:0 и го осигура пласманот во топ 16. Елмас влезе во 60-та минута. Второ осминафинале во ЛШ за Копенхаген после она во 2010/2011. Галатасарај, Ленс, Брага и Бенфика продолжуваат во Лига Европа.

Бенфика има 0:2 против Салцбург на гости по првите 45 минути, резултат со кој им ја презема третата позиција на Австријците и оди во Лига Европа. Резултатот го отвори Анхел Ди Марија на мајсторски начин, со неговата препознатлива искусна левица.

Манчестер Јунајтед вечерва игра против големиот Баерн Минхен во Лига на шампиони но за пласман понатаму не зависи само од својот резултат туку ќе го следат и резултатот од мечот во Копенхаген каде гостува Галатасарај и каде им треба нерешен исход. Но ако играат како на еден од последните тренинзи, маф им е работата.

Цела турска јавноста е на нозе и бара одговорност за силеџијата Фарук Коча, кој како претседател на турски прволигаш, се дрзна да му удри бокс на судијата. Приведен е заедно со уште двајца.

Само неколку дена откако го реши седумкратниот европски првак со велемајсторија во 96-та минута, искусниот колумбиски напаѓач покажа дека страшниот финиш не бил случаен.

Ал Наср се пласираше во полуфинале на Купот на Саудиска Арабија откако убедливо со 5-2 го совлада Ал Шабаб. Еден од стрелците на головите беше и Кристијано Роналдо кој го даде четвртиот погодок за гостинската екипа. Ова беше 50-ти гол во календарската 2023-та за 38-годишниот Португалец кој е најдобар стрелец на светот според овој параметар.

Може ли за момент да ја замислите таа радост кога како играч на буквално маалски или мал селски клуб од шеста лига дознавате дека за неколку дена ќе играте против најсилниот клуб во земјата составен од ѕвезди како Килијан Мбапе? Тоа го доживеаа играчите на француски УС Ревел кој игра во тамошната шеста лига. Им падна ПСЖ во рана фаза од Купот и ќе играат против нив на 5-ти, 6-ти или 7-ми јануари.

Навивачите на Каљари сезонава дефинитивно со апчиња треба да одат на стадион. Во фудбалот има често пресврти, ама не вакви.

Еден од симболите на бразилскиот фудбал, кој стана светски првак 1994 и беше прогласен за најдобар играч на Мундијалот, одамна е во политика. Без разлика што секој ден е во костум, тој не само што уште го има осетот со топка, туку дроби. Пазете му ги потезиве.