Пјетро има талент за фудбал, ама и проблем за да просперира. Внук е на поранешен мафијаш, еден од најопасните во Италија, а тоа до толку му прави проблем што го исфрлаат од екипа.

Бразилецот од Реал Мадрид, Родриго, објавил видео со кое се пофалил со новите заби прекриени со украсни и драгоцени камења. Цената на ваквите заби во Бразил движела од 3.000 до 140.000 бразилски реали. Овој тренд познат и како „dental grillz“ е процес на премачкување на забите со племенити метали и трае во просек од две до три недели.

Само 24 часа откако го регистрираа, 18 годишниот Витор Роке кој пристигна од Атлетико Параненсе дебитираше за Барселона. Големата бразилска надеж, кого го сметаат за наследник на Роналдо да Лима, пропушти голема прилика да се прослави веднаш со погодок.

Јувентус прв прими гол од Салернитана која поведе со 0-1 уште во првата минута по катастрофалната грешка на стоперот Гати. После тоа бјанконерите до врв ја наполнија мрежата на гостите од Југот и со 6:1 ги испратија дома. Шестиот, последниот гол на мечот беше дело на Тимоти Веа, син на легендарниот Жорж Веа кој игра за репрезентацијата на САД. Еврогол!

За наградата спонзорирана од Бадвајзер, за најубав гол на месец декември во англиската Премиер лига конкурираат: капитенот на Арсенал Норвежанецот Мартин Одегард, Аргентинецот од Ливерпул Алексис Мекалистер, како и Дани Велбек од Брајтон.

Севиља игра очајна сезона и има само 3 победи после 19 кола во Ла Лига. Синоќа дома загубија од Атлетик Билбао, а навивачите се очигледно фрустрирани бидејќи се немаат израдувано на триумф на домашен терен од септември. Навивач му дофрлаше на Рамос, а тој го прекина интервјуто и му свика дека треба да има почит према луѓето и клубот, бидејќи во моментот дава изјава.

Тони Адамс, Ешли Кол, Рој Кин, Патрик Виера, Фил Невил, Ники Бат, Пол Сколс... Витешки фудбал.

Голманите сè почесто знаат да се претворат во голгетерски јунаци. Сезонава во ЛШ таков беше Иван Проведел од Лацио кој израмни против Атлетико Мадрид во 95-та минута. А сега пазете го овој на Куп натпревар за играчи до 20 години.

Документарецот на Нетфликс за Светското во Катар, објаснува еден момент од четвртфиналето меѓу Аргентина и Холандија, кој не бил случаен.

Прво ја победија Барселона на гости 2:4, за прв пат во историјата, а сега слават над Атлетико Мадрид 4:3, исто така за прв пат во историјата. Жирона сè повеќе наликува на Лестер 2016.

Не е напаѓач, туку игра во среден ред, но за сега ги следи стапките на брат му во изборот на два клуба. Роден е 2006-та и е под договор со ПСЖ кој смета на него.

Манчестер Јунајтед игра нова неуспешна сезона. Има 9 порази по 20 кола, на -9 од четврто место и на -15 од прво, со елиминација во ЛШ уште во групи. Мегваер и другарите од последната линија, нека го ѕирнат клипов кој во 1 минута е полн со слични или идентични голови кои ги примиле само сезонава. Дупка до дупка во одбрана.

На 30-ти декември се одигра големото шкотско дерби меѓу Селтик и Ренџерс. Победија зелено-белите 2-1 во жесток дуел во кој стрелец беше и еден од многуте Јапонци во тимот, Киого Фурунаши. Синоќа Селтик играше пак, против Сент Мирен на гости и победи 0-3 а првиот погодок на мечот уште во 54’ секунда беше дело на Јапонецот Маеда.

Фудбалскиот клуб Нектон бил официјално најслабиот во цела Англија во 2023-та година. Овој клуб не го слушнале ни најверните кладилничари кои знаат места по фудбалски клубови подобро и од најдобрите географичари.

На 30 декември, Нетфликс го објави документарецот за Мундијалот во Катар, направен во шест епизоди. Мислевме дека сè сме виделе од тоа аргентинската бараба, која ги спаси своите со ненормална одбрана во 123-та минута, ама овој детал го немаше во преносот.

Како што ја заврши старата, така и ја почна новата година. Македонскиот центарфор не престанува да импресионира во шкотскиот фудбалски шампионат.

Сè до сега беше сведено на бавно изведување на голманот или тупење на топката покрај корнер знаменце. Овој ги надмина сите очекувања на сите луѓе во светот што пратат фудбал. Се работи за играч на англискиот петтолигаш Јорк Сити кој има 1:2 на гости и напад во 98-ма минута.

2023-та ќе остане незаборавна за Виктор Осимен, бидејќи беше еден од главните актери во освојувањето на Скудетото со Наполи и стана прв стрелец во Серија А. Тоа сè супер, ама не е за секој пари и слава. Нас ни стана непријатно после клипов.

Како треба да изгледа клип од 1 минута кога сакаш да му продолжиш договор на свое дете, ќе ви покаже Интер. Федерико Димарко, роден во Милано, од 7 години се калел во школата на нероаѕурите. Го праќаа на позајмици, но денес го живее сонот и веќе трета сезона е незаменлив по левата бековска позиција, во клубот за кој навивал од мал.

Ливерпул убаво ја почна годината, ама Јирген Клоп за малку ќе го караа дома, бидејќи за време на славјето му го снема прстенот на рака, па бараше помош и од редарот, за да го бараат заедно.

Во Англија, на првиот ден од годината се одиграле околу 90 натпревари, од прва па сè до најниските лиги. Во Премиер лига, која не знае за одмор ниту за Нова година, а уште помалку за Божиќ, се одигра еден натпревар.

Кога Марио играше за Интер беше уште позелен од сега, бидејќи имаше 18, 19 години. Жозе го викнал на состанок во канцеларија, а слепецот отишол квалификации за Формула 1 да гледа.

На два дена пред истекот на годината, се случи промашувањето на годината. Ова е нешто посебно, бидејќи не е утка како на некои други кои знаат да го промашат само голот. За негова среќа, тимот му победи. Хадерсфилд - Мидлсброу 1:2. Царот е Исаја Џонс.

Приказната датира од Мундијалот 1966 во Англија, кога германски судија требал да санкционира аргентински фудбалер, ама не знаел јазик. Инспирација биле семафорите, а тестот бил успешно завршен на следното Светско.