Реал Мадрид загуби 2:1 на гостување против Атлетик Билбао, а Килијан Мбапе, веројатно за прв пат во кариерата промашува два пенали за една недела, после оној на Енфилд Роуд. Кралевите имаат пет порази и всушност го повторуваат стартот на сезоната 2020/2021. Минатата сезона на 55 средби имаа само два порази, а сега стигнаа до пет после 24 меча. Загубија и од Барселона, Лил, Милан и Ливерпул. Сите порази им на последните 11 натпревари.

Во Премиер лига синоќа имаше луда вечер. Паднаа еден куп голови, Арсенал го победи Ман. Јунајтед 2-0, Сити конечно победи и ја надмина кризата а Ливерпул имаше 2:3 на гости кај Њукасл во меч полн пресврти но во последни моменти од дуелот прими гол за 3:3.

Екипи како Ливерпул, Интер и Баер Леверкузен сезонава имаат по еден пораз во првенство, Наполи и Реал по два, Барса три, Сити четири. Излезе статистика од топ 9 лигите, од единствените екипи кои немаат загубено натпревар. Јуве како претплатен на реми.

Во дербито на горниот дел на табелата Ајакс и Утрехт одиграа 2-2 во Амстердам. Во моментов после 14 одиграни кола во Холандија, ПСВ Ајндховен е прв со 39 бода, Ајакс е втор со 33 бода, Утрехт трет со 32 бода и Феенорд четврти со 29 бода. Видете го евроголот на десниот бек на Ајакс Антон Гаеи за 1-1.

Атмосферата во соблекувална во седмата германска лига после триумфот на Македонија Франкфурт над Хелас.

Тиеви Бифума е роден во Франција од конгоански родители. Има 32 години. Во својата кариера играл за многу клубови ширум светот а најпознати се Еспањол, Вест Бромвич Албион, Алмерија, Гранада, Рем и други. Сега со него е поврзана најсмешната приказна на сезоната.

Легендарниот Италијанец кој жареше и палеше како центарфор на Челси, сега е амбасадор на сините од Лондон. Присуствувал на отворање на продавница на Челси во Сингапур и таму покажал дел од вештините кои ги поседува и на 58-годишна возраст.

За хрватскиот малку познат клуб, НК Кустошија од трета лига пред извесно време се пишуваше во хрватските медиуми затоа што овој клуб направи неколку милионски трансфери за чудесни таленти кои минаа под радарот на Динамо Загреб, Хајдук и Ријека.

Во 21. коло од руската втора лига, Балтика со 3-0 ја совладала Аланија и со 45 бода е уверливо на првото место на табела кое води во највисок ранг. Аланија е претпоследна на табела. Ај тоа, туку имаат и чудна идеја за корнер во која играат оро фатени за раце и чекаат да го изненадат противникот. Овојпат „во чочекот“ им западна противничкиот играч Сергеј Прјахин кој во првиот дел даде два гола за својот тим. 

Го викаат Димонио. Неколку години веќе е маскота на Мајорка. Синоќа пред мечот со Барселона во Ла Лига, си поигрувал со фудбалерите на гостите кои на крај славеа убедливо 1-5.

Мохамед Салах после големата победа над големиот ривал Манчестер Сити од 2:0 во која учествуваше со гол од пенал, на прашање дали има нешто за неговиот договор со Ливерпул рекол „не знам, можеби ова беше мој последен домашен меч против Сити“. Тренерот Арне Слот ја објасни оваа изјава со шега: „Можеби Салах знае нешто за исходот на обвинението по 115 точки за Сити па мисли дека нема да бидат во Премиер лига догодина“. Пеп со краток одговор:

Холандскиот напаѓач направи чуден трансфер на 30 години од Европа, каде играше за гиганти замина во Коринтијас. Ама па му тргна. Сезонава има 6 гола од кои два му се лудница од слободен удар. Деби голот ќе го памети цел живот, ама и овој против Бахиа не му е воопшто лош.

На 17 години обично никој не игра вака фудбал, посебно не во сениорска конкуренција и тоа на натпреварувања како Ла Лига и ЛШ. Ламин веќе има 6 гола и 9 асистенции. Три му се идентични, со веќе може да кажеме неговиот препознатлив фелш кој му лежи како НБА на Јокиќ.

По серијата од три меча без победа во Ла Лига, Барселона и се истури на Мајорка со 1:5. Ламин Јамал не даде гол, ама намести еден на маестрален начин, а после 5 минути блесна со ист таков ненормално јак фелш. 17 годишната сензација сезонава има девет асистенции. Никој не додава како него.

По 20 години кариера, 769 настапи за клуб и 124 за репрезентација, легендарниот германски голман за прв доби директно исклучување. Црвениот картон го заработи во полето каде што обично многу сака да игра со топка, а тоа е надвор од шеснаесетникот. Згора на сè, Баерн е исфрлен во осминафиналето од Купот од актуелниот германски првак, Баер Леверкузен.

Бекс веќе долго време живее и работи во САД. Претседател е и ко-сопственик на клубот Интер Мајами каде играат Меси, Суарез, Бускетц и Жорди Алба и каде од вчера нов тренер е Хавиер Маскерано. Ама Бекам сега се покажа и во кулинарско светло:

Осасуна игра одлична сезона и е на високо 7-мо место во шпанската Ла Лига со 23 освоени бода, на само три помалку од местото кое води во Лига на шампиони. Осасуна синоќа одигра 1-1 кај Севиља на гости а после мечот 10-та на Баскијците, Аимар Ороз (23) знаел не кое дете да го подари дресот. На победникот од лист-камен-ножички.

На натпревар меѓу Рампла Хуниорс и Вандерерс во уругвајската прва лига, еден пес решил да потрча по топката како и другите фудбалери. За 30 секунди имал неколку контакти, додавање и добил овации од гледалиштето.

Англискиот нисколигаш Лејтон Ориент успеа да се пробие до 3-та рунда во ФА Купот откако со 2-1 во луд меч го совлада Олдам Атлетик. Прво гостите дошле во водство во 47-ма минута. И воделе дури до 90+9' минута од судиско продолжение кога голманот на домаќините Џош Кили (позајмен од Тотенхем) постигнал прекрасен гол со глава и изборил продолженија. А таму Дан Агиеи им донел победа на домашните со погодок во 121-ва минута од продолженијата.

Ова се гледа сега, па за 1.000 години. Ќе има и забавена снимка од инцидентот во кој загинаа две пива на две жедни души. Кој ќе ја плати оштетата?

Некогашниот расен голгетер на англиската репрезентација и на Тотенхем, Ливерпул и други англиски клубови, Питер Крауч (43) важи за еден од најјаките зафрканти на англиската сцена. Крауч е духовит, знае да прави шега на своја и на туѓа сметка, ама овојпат нешто и него му дошло претерано.

Франческо Фолино од Јуве Стабија е сам свој мајстор на италијанската второлигашка пресметка против Читадела. Ќе го памети евроголов и тој, а богами и тие околу него.

Во дербито на вечерта меѓу Рома и Аталанта на затворање на 14. коло од Серија А, гостите од Бергамо славеа заслужено 0:2. Главен момент на мечот беше влегувањето во игра на некогашниот бисер на Рома Николо Ѕаниоло кој во многу лоши односи си отиде од Рим. Навивачите на Рома го свиреа жестоко кога влезе во игра во 64-та минута а тој им одговори со гол со глава во 89-та минута за победа 0-2.

Се чини дека Жозе Мурињо полека ги скоцка работите во Фенербахче и фати чекор во трката за титулата со Галатасарај. Фенер сега е втор со 32 бода, а вечниот ривал е прв со 35 бода. Синоќа Фенербахче победи 3-1 против Газијантеп а Мурињо грубијански го влечеше својот помошник при еден прекин, со цел да се концентрира на тактиката а не на прекинот.