Абе не ти барам рака да ми подадеш, патиката дај ми ја да не газам со една чорапа.

Јувентус го совлада Емполи со пресврт од 0:1 на 4:1, а на листата на стрелци се запиша Душан Влаховиќ. За српскиот напаѓач ова е прв гол после декември минатата година. Издрибла двајца, а потоа го изненади голманот.

Само со Жозе може да се случи ваков прес. Циркузи.

Арсенал долго време чекаше слабост кај Сити и конечно ја дочека па го развали со 5-1 на својот стадион „Емирати“ во 24. коло од англиската Премиер лига. За тоа во колкав канал е Сити говори и податокот дека во 55' минута гостите израмнија на 1-1, но „топџиите“ до крајот дадоа 4 гола и му го нанесоа на Пеп еден од најтешките порази во тренерската кариера.

Рафиња дефинитивно игра во животна форма и заедно со Јамал сезонава се атракција за гледање. Погледнете што му направи на играч на Алавес. Воздишки се слушнаа од цел стадион.

Бетис и Билбао одигра супер натпревар со дури четири гола. На крај реални 2:2 и поделба по бод. Иско го даде првиот гол за домашните и имаше неколку акробативни дриблинзи. Антони кој дојде на позајмица од Манчестер Јунајтед дебитираше и доби награда играч на мечот. На првиот негов натпревар за Бетис.

Барселона го совлада Алавес со 1:0 со голот на Левандовски. Погледнете го дриблингов на Ламин Јамал - Меси. Да потсетиме, 17 години има.

АЕК Атина славеше на гостувањето против ПАОК со 1:2 со двата гола на Ерик Ламела. 32 годишниот аргентински напаѓач кој настапуваше за Рома, Тотенхем и Севиља, режираше лудорија од волеј удар и тоа на асистенција од корнер.

Дваесет и осум годишниот бразилски репрезентативец Матеус Куња денес му донесе на Вулверхемптон голем триумф над Астон Вила од 2-0 и три златни бода во борбата за опстанок во Премиер лига. Голот на Куња лесно може да биде избран за најубав на колото.

Во 22. коло од шпанска Ла Лига, Атлетико Мадрид со 2:0 ја совлада Мајорка и ја продолжи потрагата по Реал Мадрид кој има 1 бод повеќе но и натпревар помалку кој го игра вечерва со Еспањол на гости. Антоан Гризман ја потврди победата во 90+3“ минута и покажа дека е во врвна форма со маестрален лоб.

Налетавме на клип, кој не може да помине така без да го споделиме, па макар и сме го имале на сајт. Тие што почнале да гледаат фудбал од време на Меси и Роналдо и мислат дека сè почнува со нив, ништо не виделе. Ова е Светско 1998 во Франција, каде Хрватите завршија трети, а Роберт Просинечки ја превари Јамајка како никој. Да, превара е правиот збор.

Како и Лига на шампиони така и Лига Европа има нов систем: првите осум тимови на табелата автоматски одат во осминафинале, а екипите кои завршија од 9-то до 24-то место ќе играат двомеч во бараж за пласман во осминафинале. Денес ги дознавме паровите за тој бараж.

Извлечени се првите нокаут средби во првото ново и необично издание од Лигата на шампионите.

Лука Модриќ важи за величина во фудбалот. Легенда која му служи на овој спорт и покрај тоа што е влезен во 40-та година од животот и има освоено сè. И во Франција му аплаудираа навивачите кога Анчелоти го повлече од игра.

Дваесет и пет годишниот камерунски фудбалер Жан Онана е нов член на италијанска Џенова која од клупата ја води легендарниот Патрик Виера. Онана има веќе 10 настапи за Камерун а доаѓа од Бешикташ. Претходно во кариерата играше за Олимпик Марсеј и Ленс. Маркетинг тимот на Џенова важи за еден од појаките во европските лиги. Гледајте како го претставија:

Налетавме на јака фудбалска класика од 90-те. Дуел меѓу две легенди, едната Тони Адамс, кој цел живот му го посвети на Арсенал (1983-2002) и Андриј Шевченко, симбол на Милан и Динамо Киев. Тешко се поминуваше Англичанецот. Стол беше во одбрана.

Џејми Дојли има 20 години и доаѓа од школата на Тотенхем Хотспур. Тој игра на позајмица во третолигашот Лејтон Ориент и веќе има 5 гола и 5 асистенции сезонава. Дојли на мечот кој неговиот Лејтон го доби на гости убедливо 2:6 кај Ексетер, имаше феноменална асистенција за првиот гол на мечот кој го даде Азим Абдулаи (хет-трик) а на крајот Дојли даде и гол за конечен резултат.

Шест сезони во Интер, седум трофеи, по едно финале во ЛШ и ЛЕ. Средниот ред на Интер не може да се замисли без Николо Барела. Како ли му успеа ова против Монако?

Дефинитивно еден од најдобрите изведувачи на слободни удари со префинет стил, каков што немаше друг играч. Специјалист за сув лист кој не се брани. Легенда на Лион со 7 титули по ред и 100 гола од кои 44 од слободен удар. Роден е на 30 јуни 1975. Има и 40 настапи за Бразил. Уживајте во 1 минутната компилација која најдобро покажува од каков материјал беше Жунињо.

Едно расположение имаше Ибрахимовиќ пред натпреварот Динамо Загреб - Милан, друго по натпреварот кој росонерите го изгубија 2-1 и ги изгубија шансите да се пласираат во топ8 па така да одмораат подолго од другите кои ќе играат бараж. Интервју за ХРТ пред мечот дал Златан Ибрахимовиќ.

Манчестер Сити се спаси во последното коло од првата фаза во Лига на шампиони и откако губеше 0-1 од Клуб Бриж од 45' минута, направи пресврт во вториот дел и со головите на Матео Ковачиќ, автоголот на Жоел Ордоњез и Бразилецот Савињо, славеше 3-1 и обезбеди пласман во следна рунда. Пеп Гвардиола брзаше кога бркаа резултат па ништо друго не му беше важно.

Елиф Елмас и официјално е нов член на Торино каде ќе настапува како позајмен фудбалер до јуни. Платата не му е воопшто лоша.

Сè е тука лошо и погрешно. Од дресовите, тревата, па до вувузелата. Ама тоа некако е поправливо. Што правиме со малоумноста на оној, кој инаку е играч? Има ли казна за него? Црвен картон не е ништо.

Овој пат со друг стајлинг и со засилување во студио, за уште поголема забава.