Помалку од 60 играчи во историјата на фудбалот одиграле над 1.000 официјални натпревари за клуб и репрезентација. Од нив, 11 биле стартери на Ел Класико, на 25 октомври 2014 година. Листата оди вака: Кристијано Роналдо, Меси, Модриќ, Чави, Касиљас, Алвес, Рамос, Суарез, Иниеста, Бускетс и Бензема.

Истрагата на тема кладење во турскиот фудбал се прошири од судии, на фудбалери во сите лиги. Меѓу нив и членови на Галатасарај, Бешикташ и Трабзонспор. Не ви стасуваат парите од плата а?

Едно е кога гледаш снимка од дрон, а друго е кога ќе се појави ваков клип од жижата. А пак кој знае какво е чувството, човек да доживее вакво нешто на трибина.

Интересна и необична ситуација на германски третолигашки меч меѓу Ханза Рошток и Верл. Не можеа да изведат од што беа притиснати.

Јужноамериканците се најлуди во свет за фудбал, заедно со се коментаторите. Санта Фе го добива Депортиво Кали со 1:0 во колумбискиот шампионат, а мечот го решава извесен Москера со ептен фраерски потег и тоа во длабокото судиско продолжение. Му даде ли некој вода на коментаторот?

Да не го гледаше некој викендов мечот меѓу Ајнтрахт Франкфурт и Мајнц или поточно да не чекал голови во прво?

Иво Грбиќ е поранешен голман на Хајдук, Атлетико, Лил, а сега брани во Турција за Фатих Карагумрук. Погледнете го што правеше за време на мечот. Грбиќ, ова се вежби за грб или?

Легендарниот фудбалер веќе неколку години е тренер но никако да ги смири емоциите и редовно бурно реагира. Сега го води рускиот гигант Спартак Москва. Има победи, нерешени и порази, не му оди лошо, но на терен не може да се исконтролира. Често се расправа со судии, пцуе и ги навредува поради што е на удар на руската јавност.

Кога центарфор или фудбалер од среден ред ќе направи грешка тоа лесно се заборава, ама кога голман ќе направи кикс тогаш скапо чини. Така чуварот на мрежата на Форталеза, 26-годишниот Брено е крив што неговиот тим прими гол од Карлос Винисиус во 14' минута. На крајот конечни Форталеза - Гремио 2-2.

Натпреварот меѓу Болоња и Наполи (2-0) заврши во знакот на триумф на домаќинот и дебитантскиот настап на младиот голман Масимо Песина во Серија А. 

Даниеле Де Роси и Един Џеко беа соиграчи во Рома во периодот 2015-2019. Сега Италијанецот е тазе тренер на Џенова, а Босанецот на 39 години игра за Фиорентина. Џенова - Фиорентина конечни 2:2. Един му посака успешна тренерска работа во новиот клуб со куп бакнежи.

Не толку следена лига, речиси полу-професионална, ама финалето кое се одиграло таму ќе се раскажува уште долго. И покрај сите напори натпреварот да се одложи некако поради обилни снегови, фудбалерите стиснале заби и изгирале врвен натпревар на кој паднал и гол со ножички.

Со головите на Халанд, Нико и Доку, Манчестер Сити му го нанесе петтиот пораз на Ливерпул по 11 меча во Премиер лигата. Погледнете како и од каде почна акцијата први првиот гол. Ова се вика војничка дисциплина.

Големото Суперкласико, дербито меѓу Бока Јуниорс и Ривер Плејт го добија домаќините со 2-0 пред преполни трибини и со шоу од навивачите.

Во 33. коло од бразилската Серија А, лидерот Палмеирас се лизна на гости кај четвртиот Мирасол и изгуби 2-1. Поради тоа Фламенго со победа ги стигна на табела и сега имаат по 68 бода на неколку кола до крајот. Домаќините повеле во 2' минута, а Витор Роке кој отиде во Барселона ама таму не се снајде па се врати дома во Бразил, израмни со прекрасни ножички.

Бенфика помина многу лошо ова коло. Имаше водство против Каза Пиа од 2:0 до 65 минута, потоа гостите промашија пенал, кој на чуден начин се претвори во автогол. Во 91-ва минута 2:2. Штета што ја нема реакцијата на Мурињо.

Најдобриот фудбалер на светот на сите времиња според мислење на многумина, синоќа го однесе својот тим Интер Мајами во полуфинале на доигрувањето за титулата во МЛС лигата откако со 4-0 го разбија Нешвил во мајсторката.

Ако треба да се направи топ листа на решавачки голови во судиско од оваа сезона, овој од германската втора лига засега сигурно оди на прва позиција. Проектилот го лансираше Јаник Дем од Гројтер Фирт за триумф од 1:0 над Происен Мунстер. Не се брани ова.

После долго време Барселона се врати, макар привремено во својот дом, на култниот стадион „Камп Ноу“. Првиот тим тренирал а отворениот тренинг го следеле околу 22.000 симпатизери. Постои веројатност на 22 ноември за дуелот со Атлетик Билбао конечно да заиграат на реновираниот стадион или на 29-ти за мечот со Алавес.

После низа на бљак вести од мак фудбалот изминатиов период со местенки и тепачки, конечно нешто убаво да прочитаме и искуцаме на тастатура. Ама и големо. Деца таленти желни за фудбал, имате шанси да се докажете во Виљареал.

Интересен, убав и атрактивен гол во Конференциска лига синоќа падна во Словенија. Целје ја совлада Легија Варшава со 2:1, со победнички погодок на Жан Карничник. Како ли успеа да ја зафати така странично и прецизно откако топката тапна? Друг би ја опалил кај чавките.

Беше играч за потсмев на Олд Трафорд, каде го искинаа од заебанции на социјални мрежи. Но, во Шпанија е како препороден. Само пет дена по двете голчишта против Мајорка, синоќа повторно во голем стил си поигра со голманот, овој пат против Лион во ЛЕ за победа од 2:0. Прво погледнете му го голот, а потоа и статистиката.

Регистерот на имиња во Бразил покажал дека имињата на славните аргентински фудбалери се прилично застапени. Пример името Рикелме е попопуларно дури и од Нејмар а помалку од Ромарио.

Фудбалерите на Шкендија не успеаа да стигнат до втора победа во групната фаза од Конференциската лига. Примија гол во 10 минута од судиското продолжение за конечни 1:1. Во случај на триумф, на сметка ќе им легнеа 400.000 евра, а вака за ремито ќе мора да се задоволат со 133.000 евра. Славјето им го расипа Шпанецот Серхио Лозано со бомба удар.