Европскиот првак со Шпанија, Марк Кукуреља во Премиер лигата важи за еден од поомразените фудбалери и кај навивачите и кај играчите. Тој на мечот Челси - Брентфорд во финишот кога неговиот тим бранеше предност од 2-1 изглуми фаул и го намести противничкиот играч Јанелт поради што овој доби жолт картон. Глумата на Шпанецот ги изиритира фудбалерите на Брентфорд, настана гужва во која и самиот Кукуреља доби втор жолт и црвен картон на крајот.

На 16 декември, 2022-ра, на два дена пред спектакуларното финале меѓу Аргентина и Франција во Катар, замина големиот Синиша Михајловиќ. Европски првак со Црвена Ѕвезда, шампион на Италија со Лацио, симбол на славните ју времиња, неприкосновен изведувач на слободни удари, успешен тренер, фајтер во душа, почитуван во фудбалскиот свет. Жалеше само за една работа во животот која ја објасни во тв гостување во Италија пред 5 години.

Како одминува сезоната, така големите екипи сè повеќе паѓаат во форма. Изминатиов викенд со половичен успех или без бодови останаа Баерн Минхен, Арсенал, Ливерпул, Реал Мадрид. Најголемо изненадување приреди Леганес кој со 0-1 ја совлада Барселона и ја продолжи мини кризата на Каталонците кои на последните 8 меча имаат само една победа а ова им беше втор пораз по ред на домашен терен.

После ремито на Реал против Рајо, Барса дома киксна со Леганес и загуби 0:1 со гол во 4 минута. Не се во добра серија, имаат само една победа на последните 6 првенствени средби. Издвојуваме четири промашувања на фаворитот.

Неколкукратниот шампион на Македонија, Силекс Кратово има фина, пристојна клупска историја. На времето во поранешна Југославија Кратовци играа во трета лига, а во сезоната 1988/1989 стигнале дури и до четвртфиналето на Купот на Југославија притоа елиминирајќи го силниот Жељезничар Сараево. Кратовци биле хит во тоа време како кога денес некој третолигаш ќе урне голем фаворит. Цел град бил на нозе. Убави времиња.

Легендарниот стадион Маракана во Рио де Жаниеро беше домаќин на пријателски натпревар во чест на славниот бразилски напаѓач Адриано, кој го одигра својот последен натпревар.

Манчестер Сити има една победа, 2 нерешени и 8 порази на последните 11 средби, криза со која прв пат се соочува откако Пеп Гвардиола им е тренер. Но, навивачите не плукаат, туку ценат и му даваат поддршка на тренерот кој ги направи луѓе и им донесе 18 трофеи последниве 6 години. Го окуражија со прекрасна кореографија на која стоеше неговиот лик и напишаа „Повеќе од тренер“.

Продолжуваат фрустрациите за Пеп Гвардиола и Манчестер Сити. Го загубија градското дерби на пацерски начин, а водеа до 88 минута.

Црвена Ѕвезда го совлада Олимпијакос со 87:73, во 15 коло од Евролигата. Перо Антиќ беше во Белград за да ја гледа во живо пресметката меѓу двата негови поранешни клубови. Дресот на Звезда го носеше од 2005 до 2007 година и освои Куп, а за Олимпијакос во периодот од 2011 до 2013 година освои две европски титули. Од домаќините доби дрес кој го облече на лице место.

Нека служи како уште еден фин пример после оној со коментаторот. Ѓоковиќ на пример и Хрватите ги бодри во фудбал.

Вака почна се...

Денешната ждрепка за квалификациите за Светско првенство 2026 донесе две селекции кои имаат бурно минато повторно во иста група. Од прв шешир во групата К доаѓа силниот фаворит за прво место Англија, од втор шешир беше извлечена Србија а од трет дојде Албанија. Плус аутсајдерите Латвија и Андора. Натпреварите ќе се играат од март до ноември во групите кои имаат по пет селекции.

Селекторот на македонската фудбалска рeпрезентација, Благоја Милевски ја искоментира квалификациската група за СП 2026. Фактите за Казахстан говорат друго.

Македонската фудбалска репрезентација ги доби противниците за квалификациите за СП 2026 кое ќе се игра во САД, Канада и Мексико. Имавме среќа.

Тижани Бабангида има 51 година. На времето во 90-те и 2000-те години играше за Рода, ВВВ Венло и Ајакс. За тимот од Амстердам даде 20 гола на 77 меча. После беше малку и во Турција и во Саудиска Арабија. Во мај 2024-та во страшна сообраќајка во која бил и тој загинале син му и брат му а сопругата едвај преживеала и останала тешко повредена. Сега неговите поранешни клубови Венло, Рода и Ајакс организираат кампања за собирање пари за да го помогнат Баба.

Има еден муабет за Игуаин, дека имал змија во џебот и додека играл во Наполи, за да не троши гориво, секој ден одел на тренинг со Пандев. Во 2015-та соиграчи во Фиорентина беа Мика Ричарс и Мохамед Салах. Смрди на истиот муабет.

Слалом на Тавареш кој се проби како воз, пета на Чауна, голчиште на Педро. Лацио не престанува да импресионира сезонава и после 4 неверојатни дена во кои два пати го победи Наполи, се прошета во Амстердам каде славеше со 1:3. Педро продолжува да се забавува на 37 години и ова му е четврти гол сезонава во Лига Европа, плус има уште 3 во Серија А. Играчина.

Расмус Хојлунд, данскиот репрезентативец по којзнае кој пат го спаси Манчестер Јунајтед а Андре Онана по којзнае кој пат направи глупост. Така накратко може да се опише гостинската победа на Манчестер Јунајтед над Викторија Плзен 1-2 после пресврт. Домаќините поведоа преку Матеј Видра во 48' минута а Хојлунд направи пресврт во 62-ра и 88-ма.

Кучиња често влетуваат, по некоја мачка, гулаб и уште пар животни, ама ваква дружина не изненадила до сега.

Навивач влетува на прес конференција на Раднички Ниш, тренерот се вика Ненад Лалатовиќ, а годината е 2018-та. Толку.

Телма на 9 декември прослави 28 години од формирањето, а кога ќе се спомене Телма, тоа не асоцира на Серија А и оние златни и никогаш недораскажани времиња од италијанско кое го коментираа Бранко Илиевски и Зоран Димевски, а подоцна и Стево Костовски. Ретрото сакаше да налетаме на еврогол од мега дуел меѓу Рома и Јувентус од сезоната 2009/2010.

Дваесет и пет годишниот полски репрезентативен голман Радослав Мајецки од Монако синоќа против Арсенал имаше неколку бравурозни одбрани. Блескаше и неговиот сонародник Лукаш Скорупски (33) на дуелот Бенфика - Болоња (0-0) а и италијанскиот голман на Јувентус Ди Грегорио.

Објективноста на хрватските коментатори кога работат преноси со српски клубови и обратно, често пати е предмет на дискусија и е доведена во прашање. Но, не е секогаш така. Медиумите знаат и да пумпаат на таа тема. Слушнете како Хрватот негодуваше за признаниот решавачки гол на Милан против Црвена Ѕвезда и отворено велеше дека мора да се поништи.

Ако ви фалеа убави голови од синоќа, значи не сте гледале хајлајтс од Штутгарт кој му пукна петарда на Јанг Бојс. Не мора секогаш да се оди со нафрлување кога добивате слободен удар од страна. Тоа ќе ви го покажат Германците кои искомбинираа лесно и едноставно, благодарение на егзекуторот Крис Фирих.