Англичаните се сотреа од играње за празнициве. Во 21 коло од Премиер лигата, Тотенхем загуби на гости кај Борнмут 3:2 со гол во 95-та минута. Но, барем го имаат голот на колото и еден од најатрактивните погодоци овој месец. Жоао Палиња ги изненади сите со завршницата.

Најголемиот спортски собир на црниот континент, Африканскиот Куп на нации кулминира деновиве за кога е закажана завршницата. Почна на 21 декември а ќе заврши на 18-ти јануари. Мали ќе игра против Сенегал утре од 17:00 а во дербито на оваа фаза ќе се сретнат Камерун и домаќинот Мароко кој има голема поддршка од трибините (од 20:00). Во сабота од 17:00 ќе играат Алжир - Нигерија и Египет - Брег на Слонова Коска.

На навивачите на Лацио им е преку дур од Клаудио Лотито, кој две децении го држи клубот во заложништво. Го обвинуваат дека претседателската функција ја користи за сопствен финансиски бенефит и дека купува треторазредни играчи кои не носат никаква игра и резултати. На последните четири меча загуби од Наполи и одигра нерешено со Кремонезе, Удинезе, како и синоќа 2:2 со Фиорентина. Па уште тој на нив им се сили и ги замолчува со прстот. За малку не изби тепачка.

Сандерленд ја негува можеби најемотивната традиција на островот, на првиот натпревар во новата година. Навивачите доаѓаат со слики од своите најблиски, како членови на семејството, роднини, пријатели, кои починале во текот на 2025-та и пред стартот на средбата им оддаваат почит. „Стадионот на светлината“ станува место за сеќавање.

Јутјуб каналот Matejcho, кој држи богата компилација со видеа од македонската репрезентација и општо од македонски фудбалери, ги скоцка на едно место сите 13 на Македонија од квалификациите за СП 2026. Убаво и атрактивно за гледање, плус со македонски коментатори.

Васил Рингов беше посебна фудбалска, но и човечка фигура за која секој негов поранешен соиграч се изразува со посебни зборови. Меѓу Партизан и Вардар, во 75-та заиграл за Тетекс. Но, само да чуете каков договор му направиле откако го земале со кола со 6 врати по име Есма. Ќе живеат вечно овие приказни со легендарниот Васе.

Јохан Кројф беше уникатен талент, фудбалски мајстор каков што ретко се гледа. Влезе во вечноста со свои маестрални настапи, голови, изјави и анегдоти.

Јунакот на Спортинг, кој им донесе титула после 19 години, потоа уште една, како и два Купа, заминува неславно од Манчестер Јунајтед после 14 месеци. Изгледа се прецени и ја загуби поддршката од сите.

Кралот на црвените картони Серхио Рамос еднаш додека играше за Севиља, добива втор жолт картон и автоматски црвен за груб фаул. Го убедува судијата да отиде да погледне ВАР снимка. „Не го пипнав“, му вика Рамос. Судијата оди, гледа, се враќа и го поништува вториот жолт картон. Му дава директен црвен!

Конечно се одигра средбата која во Париз толку долго се очекуваше. Во 17. коло од француското првенство се сретнаа клубовите кои до 1972. година биле едно исто а на крајот победи поголемиот и оној кој прв решил да се разделат: ПСЖ - Париз 2-1.

Мало дете некаде во Латинска Америка прави чуда на гол со бравурозни паради како мачката Буфон на времето. Ако продолжи вака малиов брзо ќе отиде во некоја фудбалска школа на големите клубови.

Таа нога која учествуваше во 34 трофеи, освоени за 17 години беше нешто посебно. И уште е. Погледнете го како се забавува во сала. Има 36 години, а се повлече на 34.

Кога Ливерпул мислеше дека го има триумфот на гостувањето против Фулам со голот на Гакпо во 94-та минута, крајот стана уште подраматичен благодарение на Харисон Рид во 97-ма. Конечните 2:2 ги постави со проектил за најавни шпици. Не се брани ова.

Наполи го доби Лацио на гости со 0:2 и го одржува чекорот на -1 од Милан и -2 од лидерот Интер. Елиф Елмас никако да ја начне мрежата сезонава после 14 настапи во Серија А. Во хајлајтсот се издвоени две негови чисти шанси со глава.

„Кралевите“ ја отворија 2026 со убедлив триумф: дома го совладаа Бетис 5:1 а јунак на средбата беше 21-годишниот Гонзало Гарсија, младиот талентиран центарфор кој е во сенка на големите ѕвезди во екипата но кога и да заигра прави дар-мар.

Порто е апсолутен лидер во португалската Примеира со 49 бода и им бега 7 бода на Спортинг Лисабон и 10 бода на Бенфика на Мурињо која е трета. Под водство на тренерот Фариоли, Порто има 16 победи и 1 нерешена во првенство со дури 13 натпревари без примен гол, со 36 постигнати гола (2,11 во просек по натпревар). А погледнете како победија синоќа 0-1 на Азорски острови против Санта Клара со катастрофална грешка на голманот Габриел Батиста.

Ренџерс му нанесе нов удар на сезонава очајниот Селтик откако го совлада на негов терен 1-3 и тоа после пресврт. Келтите водеа 1-0 на полувреме а во вториот дел Ренџерс направи пресврт и славеше со двата гола на Португалецот Шермити и еден на Мајки Мур. Бојан Миовски беше резерва на клупата и влезе во игра на пет минути пред крајот. За само неколку секунди доби жолт картон, еден од најбрзите во историјата на најголемото шкотско дерби.

Селекцијата на Алжир со 3 од 3 ја мина групната фаза на Африканскиот Куп на нации и во осминафинале ќе игра против Конго. Го бркаат третиот трофеј после оние во 1990-та и 2019-та. Погледнете ги што праваат со топката. Нејзе не ја бркаат, сама им доаѓа.

Кој го нема ова чудо гледано во живо, има многу пропуштено. Се работи за полуфиналето од ЕП 2000, на кое Франција ја елиминираше Португалија. Озарени во лицето го изгледавме клипов и ни пројде како 3 секунди. Ова е фудбал доведен во совршенство. Уметност.

Волејот на Џани против Белгија, велеслаломот на Елмас против Лихтенштајн, бомбата на Барди против Казахстан и ножичките на Трајковски против Саудиска Арабија. Од убаво поубаво.

Горан Пандев весел, распеан и расположен, знае напаѓачки да игра и во кафана. Среќни празници легендо. Само за убаво.

Смел Јутјубер, одлучил да се прошета во Неапол со бројот 10 на Марадона, ама направен на дрес од Јувентус. Идејата не му е допра. Нема поголема провокација за Наполитанците.

Стефан Ристовски во Спортинг (2017-2021), каде освои три трофеи, со Бруно Фернандеш и Рафиња, сега ѕвезди во Манчестер Јунајтед и Барселона.

Мишел Кука Мболадинга е фиксен во текот на сите фудбалски натпревари на Конго на Африканскиот Куп на нации. Целта му е една и единствена, а тоа е да му оддаде почит на Патрис Лумумба, првиот демократски избран премиер на Конго. Го сметаат за национален херој и глобален симбол на антиколонијалниот отпор, пред атентатот кој му го извршија во јануари 1961 година.