Зошто Роналдо можел скапо да го плати заминувањето од стадион пред време

Едни тврдат дека не е баш во форма, други дека има повреда, а трети дека суетата е во прашање. Но, не е само тоа што го напушти теренот и ја кидна во соблекувална без да го поздрави Сари, туку што си заминал од стадион пред да заврши натпреварот, а не смеел.

Кога еден тренер ќе реши да го повлече од игра Кристијано Роналдо во 55-та минута, особено во лига како италијанската, каде се следи секој детаљ кај актерите, тогаш нема шанси да помине случајот без медиумско внимание и анализа, што е работата?

Особено што ова му е втора измена во рок од четири дена, бидејќи Сари го извади од игра и против Локомотив Москва. Тоа не му се случило од мај 2018-та кога излегол против Виљареал и Барселона како играч на Реал.

Кристијано едвај му пружи рака на Дибала и со намуртена фаца излезе од терен и замина директно во соблекувална. Но проблемот не е само во тоа, туку тоа што си заминал дома 3 минути пред да заврши средбата.

Антонио Касано објаснува дека и тој еднаш постапил исто, ама го вратиле само поради една причина од која може да се изеде дебела казна.

„Роналдо не смеел да си оди во тој тајминг, бидејќи после секој натпревар има антидопинг контрола и поради тоа можел многу да си ги искомплицира работите. Пред 12 години на дербито Рома – Лацио, Капело ме извади од игра и јас тргнав да си одам дома, исто како него. Но морав да се вратам, бидејќи ако ме извлечеа за антидопинг тест ќе добиев две годишна суспензија“.

Кога сме Фабио Капело, тој изјави дека Сари постапил правилно, а Роналдо нема издриблано играч три години.

„Еден играч треба да биде шампион и кога ќе биде заменет, а не само кога работите на терен одат добро. Роналдо не е баш во форма, за разлика од Дибала и нема издриблано играч три години. Се сеќавам како ги дриблаше по неколку, но сега не го прави тоа, како што го прават Даглас Коста и Дибала. Да бев на местото на Сари ќе одев во соблекувална да разговарам со него. Ќе му кажев дека треба да има респект спрема соиграчите и дека ако го извадам, значи дека сакам да го добијам мечот“.

Твитерџиите веќе објавија видео од слабиот перформанс на Роналдо.

Но постојат и тврдења дека има проблем со коленото.

Ова е моментот кога Сари ја направи измената

Роналдо денеска на Инстаграм не покажа некое незадоволство, како што тоа изгледаше синоќа, туку објави слика и напиша: Тежок меч, важна победа. 

11 ноември 2019 - 14:55

Штета ако сте пропуштиле

Тино Кајшаров го истерува ѓаволот

Летечкиот циркус на доктор Караџовски

Тестираме емпатија

Филозофијата на „заеби“