Жирона го претстави Миовски на штосен начин

Грмат социјалните мрежи на шпанскиот прволигаш. Доаѓа македонскиот бомбардер од Абердин.

И официјално Бојан Миовски го направи големиот трансфер и стана нов играч на Жирона.

Да потсетиме, тоа е сензацијата на Шпанија и една од најголемите во Европа минатата сезона, бидејќи ги изненади сите и заврши на трета позиција пред еден Атлетико Мадрид.

За македонскиот репрезентативец ова ќе биде огромен предизвик, бидејќи ќе игра во Ла Лига, една од најсилните лиги во светот, а веќе наредниот месец го чека Лига на шампиони.

Во напад ќе треба да ја пополни позицијата на Артем Довбик кој го напушти клубот и се пресели во Рома.

Се работи за трансфер од 8,5 милиони евра и договор на 4 години, што значи дека Абердин одлично ќе заработи, затоа што пред две години за него на МТК Будимпешта и плати 624.000 евра.

Миовски заминува во Шпанија како голема надеж откако за Абердин минатата сезона блесна со 26 гола на сите натпреварувања и беше прогласен за играч на сезоната во шкотскиот прволигаш.

Жирона објави видео со овошна салата која во Шпанија и Италија се вика „Македонија“.