Врвен деби настап на 38 годишниот Бензема за Ал Хилал со хет-трик

Постигна 354 гола за Реал Мадрид и се изнаосвои трофеи. Но, никогаш не се презасити и веќе има фантастични 60 гола како ветеран во Саудиска Арабија.

Карим Бензема блесна уште на првиот настап во дресот на Ал Хилал со три комада против Ал Окдуд, а мечот заврши 6:0.

Французинот даде атрактивен гол со пета во 31 минута, а потоа уште два гола во вториот дел и плус направи асистенција.

Ал Хилал е лидер во Саудиската професионална лига со три бода предност пред Ал Ахли, а тимот на Ал Наср, предводен од Кристијано Роналдо, е со бод помалку и со натпревар помалку.

Инаку 38 годишниот Бензема стана нов играч на Ал Хилал во понеделникот откако имаше проблеми со трансферот, кој му беше блокиран од Министерството за спорт на Саудиска Арабија.

Неговиот трансфер во Ал Хилал, кој го организирал Јавниот инвестициски фонд (ПИФ), го налути Роналдо, кој во знак на протест одби да настапи во понеделникот

Според извори на ЕСПН, Роналдо се обидел да го блокира трансферот бидејќи сметал дека е неправеден и посочил дека ПИФ сака да го отвори патот за Ал Хилал да ја освои титулата.