Викнете доброволец од публика да суди, ние се повредивме

Замислете да сте навивач, верен навивач со годишна карта и наеднаш, среде натпревар влетувате на терен да го судите мечот, бидејќи нема кој, инаку во спротивно ќе го прекинат.

Веста не е никаква заебанција, туку се случува викендов во 4. коло на мечот Портсмут - Челтенам во третата англиска лига.

Што се случува? Во 35-та минута од средбата има непредвидлива и ретка случка, а тоа е повреда на линискиот судија кој бил заменет со четвртиот.

Во вториот дел уште една беља, а тоа е повреда и на четвртиот судија кој застанал да биде линиски.

И кога мечот бил во прекин под опасност да биде прекинат, се барало преку разглас да се пријави доброволец од публика со искуство.

Се пријавил извесен Вулијан Браунинг, кој судел во локални лиги, инаку навивач на домашниот тим и тоа со годишна карта. Му дале опрема и го пуштиле на загревање.

„Сите што беа околу мене на трибина знаат дека сум локален судија. На почеток бев малку несигурен, ама кога упатија втор повик, си реков леле по ѓаволите. Не сум се симнал на тревникот на Фратон Парк уште од финалето на школскиот Куп во 1978-ма кога имав 11 години. Инаку поседувам годишна карта за цел живот.

Имаше адреналин во мене и бев загрижен за две работи, што ако има некоја спорна одлука или ако Портсмут даде гол. Како ќе реагирам? Зборував со главниот судија и му реков, што ако постигнеме гол“?, вели навивачот.

Мечот на крај заврши 0:0 со 21 минута продолжение поради прекините. Гостинскиот тренер, Вејд Елиот по натпреварот изјавил дека Браунинг е веројатно најдобриот судија што го имале догодина. 

22 август 2023 - 14:49

Штета ако сте пропуштиле

Писмо до младиот Рамбо

Билјана влакно цветаше

Несоницата со јаве се избива

Мажите се црепови