Рајо ја доби Барселона со 1:0, голем триумф за домашниот тим кој ја прелеа чашата во Каталонија. Барселона доцна синоќа на полноќ преку својот сајт соопшти дека Роналд Куман не е повеќе нивен тренер.
Голот за три бода на Рајо Ваљакано, Фалкао го постигна во 30-та минута.
A македонскиот репрезентативец ги отпиша гостите со фантастична парада во 72-та минута.
По овој пораз Барса клизна на 9. место со само 15 освоени бодови од вкупно 30 и има скор од 4 победи, 3 нерешени и 3 порази. Рајо изненадувачки е петти со 19 бода и на само -2 од Реал Мадрид, Севиља, Бетис и Реал Сосиедад кои имаат ист број на бодови.
FC Barcelona has relieved Ronald Koeman of his duties as first team coach
— FC Barcelona (@FCBarcelona) October 27, 2021
На Барселона под водство на Куман не и оди ниту во Лига на шампиони каде има само победа против Динамо Киев. Во првите две кола загуби убедливо по 3:0 од Баерн и Бенфика.
Куман го водеше тимот од август 2020 година и уште на старт направи голем кикс откако се откажа од Луис Суарез, а ова лето остана и без Меси.
Марка пишува дека Барселона ќе се обиде да го замени холандскиот стратег со друга поранешна легенда, а тоа е Чави кој е тренер на Ал Сад во Катар.
