- Ова ќе биде 31 дуел помеѓу Италија и Шпанија. Италија победила 10 пати, Шпанија осум, а 12 натпревари завршиле без победник.
- Италија нема пораз од Шпанија на големо првенство. Тие славеле три пати, а четири натпревари завршиле нерешено. Сепак Шпанија беше поуспешна на нивниот последен дуел кога во четвртфиналето на ЕУРО 2008 по 0:0 по 120 минути, тие победија на пенали со 4:2.
- Чезаре Прандели ја предводел Италија на два натпревари против Шпанија и нема пораз. Италија победи со 2:1 на пријателскиот натпревар во август 2011, а на почетокот на ЕУРО 2012 тие одиграа 1:1.
- Италија и Шпанија упатиле најмногу удари кон противнички гол на ЕУРО 2012. Италија 99, а Шпанија 86.
Шпанија:
- Репрезентацијата на Шпанија има шанса да биде првата која ја одбранила европската титула. Најблиску до ваков успех беа Советскиот Сојуз во 1964-та и Западна Германија во 1976-та, но овие репрезентации беа поразени во финалињата.
- Шпанија е непоразена на последните 19 официјални натпревари по поразот од Швајцарија на СП 2010.
- Со само еден примен гол, шпанската репрезентација ја има најдобрата одбрана на ЕУРО 2012.
- Шпанија нема примено гол цели 900 минути на натпревари од нокаут фазата на големите првенства.
- Дури петмина Шпанци (Чави, Чаби Алонсо, Серхио Бускетс, Андрес Иниеста и Серхио Рамос) имаат остварено повеќе додавања од најдобриот додавач во репрезентацијата на Италија, Андреа Пирло.
- Шпанија на ЕУРО 2012 дозволи само 12 удари во рамките на нивниот гол, а шест од нив беа токму на натпреварот од групната фаза против Италија.
Италија:
- Ова ќе биде деветто финале за Италија на големо натпреварување (три на Европско и шест на Светско првенство), од кои освоиле пет.
- Италија е единствената репрезентација на ЕУРО 2012 што не дозволила противникот да биде во водство.
- Репрезентативците на Италија заработија најмногу картони на ЕУРО 2012 - 15. Шпанците добија 10.
- Италија е непоразена на 15 официјални натпревари под водство на Чезаре Прандели (10 победи и пет нерешени).
- Марио Балотели има упатено 10 удари во рамките на противничкиот гол - најмногу на ЕУРО 2012.
