Поради експанзија на коронавирусот во Јужна Америка екипата на Ривер била погодена сериозно па дури 20 фудбалери од прв тим биле позитивни меѓу кои и сите тројца регистрирани голмани.
Во тимот останале 11 играчи но ниту еден голман, па ракавици облекол 35-годишниот Енцо Перез кого го памтиме по игрите за Бенфика, Валенсија и репрезентацијата на Аргентина со која играше и финале на Светско првенство 2014.
И покрај тоа што Перез е висок само 177см и што никогаш во кариерата не застанал на гол, успеа јуначки да ја чува мрежата на домаќинот. со 4 од 5 одбранети шутеви.
Ривер лесно, уште после само 6 минути игра имаше огромни 2-0 по головите на Анхилиери и Алварез.
До крајот гостите од Колумбија намалија на 2-1 преку Осорио во 73' минута, но просто е неверојатно како Санта Фе не успеа да освои макар бод на овој меч на кој домаќинот играше без ниту една резерва, со само 11 играчи во поле и со фудбалер од среден ред на голот.
За тоа колку била луда оваа одлука играч да брани така важен меч, зборуваше и тренерот на Ривер, Марсело Гаљардо:
„Досега не бев свесен какво место зазема овој натпревар во мојата тренерска кариера и во историјата на Ривер. Таква ситуација уште немало во мојата кариера. Многу луѓе поверуваа во нас и тоа ја убеди екипата дека заедно можеме да ја достигнеме целта иако ќе биде многу тешко.
Енцо застана на гол зошто имаше мала повреда и не можеше нормално да игра во поле. Зборувавме со него и тој беше сигурен во себе но целата одговорност за таа одлука јас ја земав на себе. Перез со голема страст одигра на новата улога. Други кандидати дури и не разгледувавме“.
