Прв настап и гол на Јармоленко за Вест Хем после војната, кој се расплака од мака

Вест Хем славеше против Астон Вила со 2:1, а Андреј Јармоленко одлучи да ја прекине фудбалската пауза и направи кам бек со гол кој го прослави многу емотивно.

Војната во својата татковина го бутна психолошки Јармоленко, кој и покрај накалеменото искуство на 32 години, периодов бил вознемирен и не бил способен да игра фудбал.

Тој заигра во Премиер лигата после пауза од четири меча, а враќањето го зачини со гол и многу емоции.

„Ова беше премногу емотивно, ќе го паметам цел живот. Да бидам искрен, не знаев што да направам и што да кажам сега. Сакам да им се заблагодарам на моите соиграчи, на сите оние кои ме поддржуваат, на навивачите на Вест Хем и на сите луѓе од Британија. Ја чувствувам вашата поддршка“, изјави Украинецот.

Инаку Јармоленко е четврта сезона во Вест Хем каде пристигна од Борусија Дортмунд, а 10 години беше член на Динамо Киев.

За украинската репрезентација има 109 настапи и 44 гола, како и три учества на Европските првенства. Токму тој го отвори резултатот на средбата против Македонија на ЕП 2020.

14 март 2022 - 08:49

Штета ако сте пропуштиле

Што збореа за првиот Ајфон?

Заев игра на сигурно

Журките некогаш и денес

Квадратура на кругот