Португалскиот тим одигра реми без голови со Барса, па има подобар меѓусебен учинок, но сега ќе мора освен да го победи Динамо Киев во последното коло, да чека помош и од апсолутниот лидер Баерн, најмалку со бод против Барселона за да Бенфика оди во следна фаза.
Реакцијата на тренерот Жорже Жезус кој падна на коленици по промашениот зицер на Сеферовиќ, кој обично рутински ги реализира ваквите шанси.
„Верувајте, 30 години сум тренер, никогаш немам видено нешто слично. За жал, ова ни се случи на мене и на Бенфика. Тимот создаде убави шанси, можевме да победиме и треба да бидеме горди. За жал, работите сега не зависат само од нас во последното коло, но мора да победиме и да си ги задржиме шансите. Нашите навивачи треба да бидат горди на ова издание од тимот“, изјави Жесус.
