ПСЖ – ЧЕЛСИ
Овие два тима се судрија минатата сезона во четвртфиналната рунда од Лигата на шампионите. ПСЖ направи голем чекор на првиот дуел и поведе со 3:1, но на “Стемфорд Бриџ“ избраниците на Мурињо вратија онолку колку што е потребно. 2:0, стрелци Шурле и Демба Ба.
МАНЧЕСТЕР СИТИ – БАРСЕЛОНА
Дуелот на титаните втора година по ред ќе го гледаме во осминафиналната нокаут фаза. Минатата сезона Каталонците славеа на гости со 2:0 со головите на Меси и Алвеш. Сити немаше сили да возврати на „Камп Ноу“ и реваншот го загуби со 2:1.
БАЕР ЛЕВЕРКУЗЕН – АТЛЕТИКО МАДРИД
Баер и Атлетико до сега се немаат сретнато во Лигата на шампионите. Нивното последно соочување се случи во групната фаза од Лига Европа 2010/11 кога и двата дуела завршија 1:1.
ЈУВЕНТУС – БОРУСИЈА ДОРТМУНД
Јувентус ја совлада Борусија во двобојот од финалето на Купот на УЕФА во 1993 година со вкупни 6:1, но по четири години Германците се одмаздија во Минхен, а до пехарот во Лигата на шампионите ги одведе Отмар Хицфилд.
ШАЛКЕ – РЕАЛ МАДРИД
Бранителот на титулата ја доби посакуваната реприза од лани кога го мина осминафиналето со триумф од 6:1 во Гелзенкирхен и 3:1 на Бернаабеу. Кристијано Роналдо постигна вкупно 4 голови.
ШАХТЈОР – БАЕРН МИНХЕН
Овие две екипи претходно не се сретнале.
АРСЕНАЛ – МОНАКО
Прво соочување ќе гледаме и на овој дуел, но во овој случај за двата тима е поврзан Арсен Венгер. Тој го водеше Монако до титула во првенство (1998) и купот (1991), а на клупата седеше од 1987 до 1994 година.
БАЗЕЛ - ПОРТО
И овие две екипи досега немале меѓусебни пресметки.
